इनरुवा । सुनसरी बहुमुखी क्याम्पस इनरुवामा अध्ययनरत रहेका सेराज हुसेनले नेपाल विधार्थी संघ इकाई सभापतिको जिम्मेवारी पाएका छन् ।
सुनसरीको भोक्राहा नरसिंह वडा नम्बर–४ का सेराज हुसेनले आइतवार नेपाल विधार्थी संघ सुनसरी क्याम्पस इनरुवा इकाईको सभापति पदको जिम्मेवारी पाएका हुन् । केही वर्षयतादेखी विधार्थीको वकालत गर्दै सुनसरी बहुमुखी क्याम्पसका विधार्थीहरुको मन जित्न सफल भएका विधार्थी नेता हुसेनलाई क्याम्पस इकाई सभापति पदको जिम्मेवारी दिएको हो ।
नेपाली कांग्रेसको भातृ संगठन नेपाल विधार्थी संघमा आवद्ध रहेका हुसेनलाई पछिल्लो समय सुनसरी बहुमुखी क्याम्पसमा विधार्थी राजनीतिमा होमिएकाले जिम्मेवारी दिएको बुझिएको छ ।
नेविसंघको संगठनलाई बलियो बनाउँदै विस्तार गर्ने क्रममा उनको भुमिकालाई उच्च मुल्यांकन गर्दै नेपाल विधार्थी संघ सुनसरीले सभापति पदको जिम्मेवारी दिदै काम गर्ने अवसर प्रदान गरेको नेविसंघ सुनसरीका बरिष्ठ उपसभापति गुणन्नद चौधरीले जानकारी दिए ।
विधार्थी नेत हुसेनले नेविसंघ इकाई सभापति पदको जिम्मेवारी पाएपछि विधार्थीहरुको हकहितको लागि काम गर्ने र विधार्थीहरुको समस्यालाई समाधान गर्दै सबैको आवाजलाई बुलन्द बनाउने प्रमुख जिम्मेवारी रहने समेत बताए ।
सभापति हुसेनले विधार्थीहरुलाई संगठित र व्यवस्थित बनाउने, क्याम्पसका अध्ययनरत रहेका विधार्थीहरुको सवालमा आफु काम गर्न प्रतिवद्ध रहने र सबै विधार्थीहरुको रोजाईमा पर्नका लागि भेदभाव नगरी सबैको लागि काम गर्ने प्रतिवद्धता व्यक्त गरेका छन् ।
