इनरुवा । नेपाली कांग्रेसका केन्द्रिय सदस्य तथा प्रदेश–१ का संसदीय दलका नेता राजिव कोइरालाले सुनसरी बहुमुखी क्याम्पस इनरुवामा शिक्षा क्षेत्रमा सुधारको खाँचो रहेको बताएका छन् ।
सुनसरी बहुमुखी क्याम्पसमा विदाई तथा पुरस्कार वितरण कार्यक्रमलाई सम्वोधन गर्दै नेता कोइरालाले शिक्षा क्षेत्रमा सुधारको आवश्यकता रहेको बताएका हुन् ।
नेपाली कांग्रेसका केन्द्रीय सदस्यमा निर्वाचित भएपछि पहिलो पटक सहभागि भएका नेता कोइरालाले सुनसरी सदरमुकाम इनरुवाको मुख्य क्याम्पसका रुपमा रहेका यस क्याम्पसलाई सुधार गर्नका लागि आफुले पहल र प्रयास गर्ने बताए ।
सुनसरी बहुमुखी क्याम्पस इनरुवाको मुटुका रुपमा रहेकाले विधार्थीहरुको अध्ययन अध्यापनका देखा परेका समस्याहरुलाई आफुले अन्त्य गर्नका लागि पहल र प्रयास गर्ने उनले बताए ।
नेता कोइरालाले सुनसरी बहुमुखी क्याम्पसमा भौतिक पुर्वाधार निर्माण र यातायातको व्यवस्थापनमा समेत पहल गर्ने प्रतिवद्धता व्यक्त गरेका छन् । सुनसरी क्याम्पसमा अध्ययनरत रहेका विधार्थीको धेरै समस्याहरु रहेतापनि आफुले गर्ने सक्दो सहयोग गरी नमुना क्याम्पस बनाउनका लागि समन्वय र सहकार्यबाट सुधारात्मक कार्यहरुलाई अघि सार्ने समेत उनले बताए ।
विदाई तथा पुरस्कार वितरण कार्यक्रमका प्रमुख अतिथि समेत रहेका नेता कोइरालाले क्याम्पस पुरानो भएपनि शिक्षा क्षेत्रमा कुनै प्mडको मार्न नसकेको प्रति दुःख व्यक्त गर्दै अबका नयाँ पुस्ताका युवाहरुलाई आधुनीक शिक्षा प्रदान गर्नमा जोड दिएका थिए । क्याम्पसका शिक्षकहरुले पनि ध्यान दिनुपर्ने र आगामी दिनमा क्याम्पसलाई सुधार्न गर्नका लागि सम्वन्धित निकायहरुसँग छलफल गरि अगाडी बढ्नुपर्ने उनले शिक्षक तथा विधार्थीहरु नेताहरुलाई उनले सुझाएका थिए ।
कार्यक्रममा विशिष्ट अतिथि क्याम्पस ब्यवस्थापन समितिका अध्यक्ष रामप्रसाद घिमिरे, विदाई तथा पुरुस्कार वितरण कार्यक्रमको अध्यक्ष क्याम्पस प्रमुख इनु भट्टराई, अतिथि नेपाल विद्यार्थी संघका क्याम्पस इकाई सभापति सेराज हुसैन,समाजवादी विद्यार्थी संगठनका अध्यक्ष देवकुमार यादव, गायक तथा संगितकार प्रकाश अनुराग लगायतको सहभागिता रहेको थिए ।
