इनरुवा । नेपाली कांग्रेस प्रदेश–१ कार्यसमितिमा इनरुवाकी नेतृ अम्बिका घिमिरे र भोक्राहा नरसिंहकी नेतृ जुलेखा खातुन सदस्य पदमा निर्वाचित भएपछि आइतवार प्रमाण पत्र लिएकी छिन् ।
नेपाली कांग्रेस प्रदेश–१ का निर्वाचन समितिले आयोजना गरेको प्रमाण पत्र वितरण कार्यक्रममा सहभाथि भएकी नेतृहरु घिमिरे र खातुनले समेत प्रमाण पत्र बुझेर पहिलो बैठकमा सहभागि भएकी थिईन् ।
इनरुवाकी नेतृ घिमिरे र खातुन प्रदेश–१ का सभापति उद्दव थापाको प्यानलबाट अत्यधिक मत ल्याएर बिजयी भएकी छिन् । नेतृ घिमिरे प्रदेश–१ सदस्य बाहेक नेपाली कांग्रेसको महिला भातृ संगठनहरुमा समेत आवद्ध भएर काम गर्दै आएकी छिन ।
सुनसरी क्षेत्र नम्बर–४ प्रदेश (ख) बाट प्रदेश प्रतिनिधि पदमा निर्वाचित भएकी नेतृ घिमिरे प्रदेशमा टिकट पाएपछि अत्यधिक मत प्राप्त गरेर बिजयी भएकी हुन् । प्रदेश–१ कांग्रेसको सदस्यको जिम्मेवारी पाएकी नेतृ घिमिरेले महिला संगठनलाई मजबुत बनाएर महिलाहरुको पहुँचलाई कायम गर्न प्रमुख जिम्मेवारी रहने नेतृ घिमिरेले बताईन् ।
त्यसैगरी नेपाली कांग्रेस प्रदेश–१ की सदस्य जुलेखा खातुनले प्रदेशभरीका महिलाहरुलाई एकीकृत गरि महिलाहरुको हक अधिकारका लागि काम गर्ने बताएकी छिन् ।
प्रदेश–१ सदस्य खातुनले प्रमाण पत्र ग्रहण गर्दै प्रदेशभरी मनमुटाव भएका कांग्रेसका नेताहरुमा मेलमिलाप गराउन प्रमुख भुमिका रहने नेतृ खातुनको भनाई छ । खातुनले मुस्लिम महिलासँगै अन्य महिलाहरुलाई सशक्तिकरण गर्दै प्रदेश कांग्रेसलाई नमुना बनाउनका लागि वडादेखी नै कांग्रेसको गतिविधि संचालन गरि मजबुत कांग्रेस बनाउने अभियानमा जुटने बताईन् ।
नेतृ खातुनले मुस्लिम समुदायका महिलाहरुलाई कांग्रेसको सिद्धान्त, विधि र पद्धतिका बारेमा प्रशिक्षण दिई कांग्रसमय बनाउने भुमिका रहने उनले बताउँदै अधिवेशनको बेला नेता तथा कार्यकर्ताहरुमा देखिएको मतभेदलाई अन्त्य गर्ने बताईन् । मेलमिलापबाट कांग्रेसले सकारात्मक सन्देश दिनका लागि प्रदेशभरी नै आफु पुग्ने र देखापरेका समस्याहरुलाई समाधान गर्नेतर्फ आफु सक्रिय भुमिका निर्वाह गर्ने नेतृ खातुन बताउँछिन् ।
