इनरुवा । सुनसरी क्षेत्र नम्बर–२ का प्रतिनिधि सभा सदस्य सीताराम मेहताले नेपाली कांग्रेसको केन्द्रीय सदस्यमा उम्मेदवारी फिर्ता लिए वापत ठुलो रकम लिएको आरोप निराधार भएको बताएका छन् ।
नेपाली कांग्रेसको १४ औं महाधिवेशनमा मधेशीतर्फबाट केन्द्रीय सदस्यमा उम्मेदवारी फिर्ता लिएका प्रतिनिधि सभा सदस्य मेहताले सहमतिमा उम्मेदवारी फिर्ता लिएको र म कसैसँग कुनै ठुलो रकम नलिएको स्पष्ट पारेका छन् । केही संचारकर्मी लगायत अन्य व्यक्तिहरुले केन्द्रीय सदस्य पदको उम्मेवारी फिर्ता लिए वापत मेहताले ठुलो रकम लिएको अफवाहा फैलाएकोप्रति दुःख उनले व्यक्त गरेका हुन् ।
सुनसरीका संचारकर्मीहरुसँग कुराकानी गर्दै सुनसरी क्षेत्र नम्बर–२ का प्रतिनिधि सभा सदस्य मेहताले नेपाली कांग्रेसका सभापति शेरबहादुर देउवाको आग्रहमा आप्mनो उम्मेदवारी फिर्ता लिएको दावी गर्दै कोही कसैसँग रकम नलिएको बताए ।
मेहताले २०६२/०६३ को मधेश आन्दोलनको समयमा कांग्रेसका धेरै नेताहरुले अरु पार्टिमा प्रवेश गरेको कुरालाई अवगत गराउँदै उनले पैसा र पदको लोभ नगरी कांग्रेसको संगठनलाई बलियो बनाई काम गरेको कुराले पनि सावित गरेको बताए । पार्टी सभापति तथा वर्तमान सभापति शेरबहादुर देउवाले बोलाएर अधिवेशनमा समस्या पर्ने भएकोले उम्मेदवारी फिर्ता लिएको उनले बताए ।
आफुले पैसा नलिएको आफुमाथि ठुलो रकम लिएको हल्ला बजारमा फैलाएको प्रति गम्भिर ध्यानाकर्षण भएको उनले बताए । सुनसरीबासीहरुलाई भ्रममा नपर्नका लागि उनले समेत अनुरोध गर्दै नेपाली कांग्रेस पार्टीको सारथी भएर काम गर्ने समेत बताए ।
