नेपाल कम्युनिष्ट पार्टी एमाले सुनसरीको ७ औं जिल्ला अधिवेशन पुस २३ र २४ गते सुनसरीको इनरुवामा सम्पन्न हुन गइरहेको छ । ७ औं जिल्ला अधिवेशनलाई भब्य र सब्य बनाउनका लागि तयारी पुरा भइसकेको छ । इनरुवाको बिभिन्न ठाउँमा गेटहरुले सजाइएको छ र इनरुवाको जेल्डफिल्डमा हुन गइरहेको नेकपा एमाले सुनसरीको ७ औं जिल्ला अधिवेशनलाई व्यवस्थित गरि भब्य र सब्य बनाई एकताबद्धबाट नेकपा एमाले निर्माणका लागि अभियानलाई तिब्र बनाइएको छ । नेकपा एमाले सुनसरीका उपसचिव तथा प्रचार प्रसार उपसमितिका संयोजक लोकेश निरौलासँग ७ औं अधिवेशनका सन्दर्भमा पत्रकार टोमराज मेहताले गरेको कुराकानीको सारसांक्षेप ।
१. नेकपा एमाले सुनसरीको ७ औं जिल्ला अधिवेशनको तयारी कस्तो भइरहेको छ ?
नेकपा एमालेका अध्यक्ष केपी शर्माले भर्चुअलबाट अधिवेशन उद्घाटन गर्ने कार्यक्रम रहेको छ । छोटो समयमा नेकपा एमाले अधिवेशनका बिभिन्न उपसमिति बनाएर कामलाई अन्तिम चरणमा पुगाएका छौं । प्रचार समितिको म आफै संयोजकको जिम्मेवारी पाएको छु । अधिवेशनको सम्पुर्ण तयारी अन्तिम चरणमा पुगेकाले ७ औं जिल्ला अधिवेशनलाई भब्य र सब्य बनाउने प्रयासमा छु । छोटो समयमा अधिवेशनलाई ऐतिहासिक, भब्य र सब्य बनाउन लागि परेको छु । अधिवेशनको तयारी पुरा भएकोले अधिवेशनको उद्घाटन सत्रमा सुनसरीबासी, नेकपा एमालेका नेता तथा कार्यकर्ताहरुलाई स्वागत गर्न आतुर रहेको छु ।
२. नेकपा एमाले अधिवेशनले नेतृत्व कसरी चुन्ने छ ?
अधिवेशन र सम्मेलन भन्नाले नेतृत्व चयन गर्ने सन्दर्भमा मात्र छलफल हुने गरेको छ । नेकपा एमाले सुनसरीले गरेका गतिविधिहरुको समीक्षा, नीती तथा कार्यक्रम, भोलीका दिनमा कसरी अगाडी बढ्छौ लगायतको बिषयमा छलफल गर्छौ । नेतृत्वको सवाल उद्घाटन सत्र सकिएपछि कुरा गर्छौ । पुस २३ गते शुक्रवार नै राजनीतिक सांगठनिक र आर्थिक प्रतिवेदन सकेसम्म प्रस्तुत गर्छौं । पुस २४ गते शनिवार बिभिन्न समिति र उपसमिति बनाएर प्रतिवेदन माथि छलफल गर्छौ । शनिवार नै सकेसम्म सर्वसम्मतबाट नेतृत्व चयन गर्ने प्रयास गर्छौ । सुनसरीमा ऐतिहासिक र सब्य ढंगबाट सम्पन्न गराउने योजना छ । नेकपा एमाले एकताढंगबाट अगाडी बढ्ने विश्वास लिएको छु । सर्वसम्मतबाट नेतृत्व चयन गर्नका लागि सबैलाई स्वीकार्य हुने गरि र सबै नेता तथा कार्यकर्ताहरुलाई व्यवस्थित गरि सबै समुदाय, जात, धर्म र लिङ्गको समावेश गरेर सुनसरी एमाले कार्यसमिति बन्ने छ ।
३. नेकपा एमाले सुनसरीमा सर्वसम्मत होला त ? कस्तो लाग्छ तपाईलाई ?
हेर्नुस नेकपा सुनसरीको ७ औं जिल्ला अधिवेशन ऐतिहासि अधिवेशन हो । त्यसैले हामी नेतृत्वमा सर्वसम्मत चयन गर्ने प्रयास गर्छु । अधिवेशनले एकताको सन्देश दिन खोजेको हुनाले नेतृत्व चयन सर्वसम्मतबाट हुन भन्ने कुरामा म ढुक्क छु । हाम्रो प्रयत्न सर्वसम्मत गर्नु नै हो । नेकपा एमाले सुनसरी एकताबाट अगाडी बढ्छ । सुनसरीको विकास र समृद्धिमा ठुलो भुमिका निर्वाह गर्छ । सुनसरीका जनताको सारथी भएर नेकपा एमाले अगाडी बढ्छ । हाम्रो अन्तिम समयसम्म सर्वसम्मत गराउनेतिर प्रयास रहन्छ र जिल्लाको नेतृत्व सर्वसम्मतबाट नै चयन हुन्छ ।
४. सुनसरी जिल्ला नेकपा एमालेको लागि संवेदनशिल जिल्ला मानिन्छ , नेकपामा दुवै पक्षलाई कसरी मिलाएर अगाडी बढ्छ ?
सुनसरीमा पक्ष वा विपक्ष भन्दा पनि सर्वसम्मतबाट नेतृत्व चयन गर्ने प्रयत्न रहन्छ । अहिले नेकपा एमालेभित्र एउटै पक्ष छ, त्यो भनेको नेकपा एमाले हो । दुई वा तीन वटा पक्षको बजारमा हल्ला हो तर त्यो यथार्थ होइन् । नेकपा एमालेभित्र एउटै पक्ष र त्यो ७ औं जिल्ला अधिवेशनले सन्देश दिन्छ । नेकपा सुनसरी सहित देशभर नै सर्वसम्मतबाट नेतृत्व गर्न चाहेको छ , त्यसैले पक्ष वा विपक्ष भन्दा पनि सर्वसम्मतबाट जिल्ला कमिटि चयन हुन्छ । त्यसमा कुनै शंका छैन् । नेकपाका नेता तथा कार्यकर्ताहरुले चुनाव चाहेको छैन्, त्यसैले एकताबाट प्रयत्न गरि सबैले चाहेको जस्तो नेकपा एमाले जिल्ला कमिटिको निर्माण हुन्छ ।
५. नेकपा एमालेको ७ औं जिल्ला अधिवेशनबाट नेतृत्व छनौटका लागि कस्तो तयारी भइरहेको छ ?
अहिले हामी नेकपा एमालेको ७ औं जिल्ला अधिवेशनको तयारीमा जुटेका छौं । तयारीको पुरा पनि भइसकेको छ । अधिवेशनको उद्घाटन सत्रलाई भब्य बनाउने कुरामा मात्र कदम आगाडी बढेको छ । नेतृत्वको सवालमा अलि अलि समस्या रहेतापनि सहजढंगबाट समाधान गछौं र सर्वसम्मतबाट नेतृत्व चयन गर्छौ । नेतृत्वको बारे भन्दा पनि उद्घाटन सत्रलाई सफल बनाउनेतर्फ लागिरहेका छौं । नेतृत्वका बारेमा थौरे समयमा छलफलबाट निष्कर्ष निस्कने कुरामा विश्वस्त रहेको छु ।
६. नेकपा एमाले सुनसरीको ७ औं जिल्ला अधिवेशनले एकताको सन्देश दिन्छ त ?
स्वाभाविक रुपले हामी एकताको सन्देश दिनुको विकल्प छैन् । नेकपा एमाले सुनसरी एकतावद्ध छ । हामी अधिवेशनबाट पनि एकताको सन्देश दिने प्रयास गरेका छौं । आम कार्यकर्ताहरुको समेत सोचाई एकताको रहेको छ भने नेतृत्व गर्ने व्यक्ति वा नेताहरुले पनि अर्को ढंगबाट सोच्नुहुन्छ भन्ने जस्तो मलाई लाग्दैन् । एकताको विकल्प नरहेकोले एकताको सन्देश दिनका लागि हामी लागि परेका छौं र दिन्छौ पनि ।
७. नेकपा एमाले सुनसरीको ७ औं जिल्ला अधिवेशनको तयारी पुरा भएको हो त ?
अधिवेशनको तयारी पुरा भइसकेको छ । शुक्रवार ७ औं जिल्ला अधिवेशनको उद्घाटन हुँदैछ । इनरुवाको ऐतिहासिक ठाउँमा अधिवेशन गर्न लागिरहेका छौं । इनरुवालाई बेहुली झै सिंगारिने काम पनि पुरा भएको छ । इनरुवालाई सुन्दर नगरीमा परिणत गर्दै अधिवेशनलाई व्यवस्थित ढंगबाट आगाडी लैजाने छौं ।
८. अन्त्यमा जिल्लाका नेता तथा कार्यकर्ताहरुलाई के भन्न चाहन्छु ।
नेकपा एमाले बाहेका पार्टीका नेतृत्वकर्ताहरुलाई अधिवेशनका लागि निमन्त्रण गरेको छु र सहभागिताका लागि अनुरोध समेत गर्दछु । सुनसरीका विकास र समृद्धिका लागि, जनताको दुःख सुख साथ दिन नेकपा एमाले आगाडी बढिरहेको छ । सुनसरीका जनताको जीवनस्तरमा उन्नितका लागि काम गर्दै आएका छौं । नेकपा एमालेको जिल्ला अधिवेशनमा सक्रिय सहभागिताको लागि अपेक्षा गरेको छु । भोलीका चुनौतीहरुलाई एकताबद्धबाट नै समाधान गर्नेछौं र त्यसका लागि सबैको साथ र सहयोगको अपेक्षा गरेका छौं । सम्पुर्ण नेता तथा कार्यकर्तालाई एकतावद्धबाट नेकपा एमाले निर्माणका लागि आ–आफनो ठाउँबाट अभियान चलाउनका लागि हार्दिक अपिल गर्दछु ।
