इनरुवा । नेपाल कम्युनिष्ट पार्टी एमाले सुनसरीको ७ औं जिल्ला अधिवेशनको उद्घाटन सत्रलाई सम्वोधन गर्दै नेताहरुले सर्वसम्मतबाट नेतृत्व चयन गर्न जोड दिएका छन् ।
सुनसरी सदरमुकाम इनरुवाको जेलफिल्डमा नेकपा एमाले सुनसरीको ७ औं जिल्ला अधिवेशनको उद्घाटन सत्रलाई सम्वोधन गर्दै नेताहरुले यसो बताएका हुन् ।
सुनसरीको सदरमुकाम इनरुवा नेकपा एमालेको सातौं जिल्ला अधिवेशनको उद्घाटन सत्र सम्पन्न भएको छ । नेकपा एमालेका अध्यक्ष केपी शर्मा ओलीले भर्चुअलको माध्यमबाट सुनसरी सहित देशभर नै एकसाथ उद्घाटन गरेका थिए । उद्घाटन सत्रलाई सम्वोधन गर्दै अध्यक्ष ओलीले मुलुकको पहिलो पार्टी बनाउने सन्देश अधिवेशनले दिएको बताएका हुन् ।
नेकपा एमालेका अध्यक्ष ओलीले देशलाई समृद्ध बनाउनका लागि एक जुट भएर जिल्ला अधिवेशनबाट सर्वसम्मतबाट नेतृत्व चयन गर्न आग्रह गरेका थिए । नेकपा एमालेलाई मजबुत बनाउनका लागि अधिवेशनले सर्वसम्मतबाट नेतृत्व चयन गर्न सकेमात्र मुलुकभर एकताको सन्देश जाने उनले बताए । उद्घाटन सत्रलाई सम्वोधन गर्दै उनले मुलुकको केही जिल्लामा अधिवेशन स्थगित भएको र केही दिनपछि उद्घाटन हुने विश्वास व्यक्त गर्दै मुलुकमा शान्ति र समृद्धि ल्याउनका लागि नेकपा एमाले मात्र सक्ने समेत उनको कथन छ ।
उद्घाटन कार्यक्रमलाई सम्वोधन गदै स्थायी कमिटि सदस्य गुरु बरालले नेकपा एमालेलाई एकताबाट बलियो बनाउने बताए । नेकपा एमाले एकताबाट आगाडी बढ्ने र सम्वन्ध विच्छेद नभई कमी कम्जोरीहरुलाई सच्याउँदै सिकाईलाई बढी प्राथमिकता दिएर पार्टीलाई एकसुत्रमा बाँधन आवश्यक रहेको उनले बताए । सुनसरीको अधिवेशनले सर्वसम्मतबाट नेतृत्व चयन गर्नेमा सबैलाई विश्वस्त रहन पनि उनले आग्रह गरे ।
जिल्ला अधिवेशनको उद्घाटन सत्रलाई सम्वोधन गर्दै प्रदेश–१ का पूर्व मन्त्री तथा पार्टीका केन्द्रिय सदस्य जगदिश प्रसाद कुसियैतले जिल्लाको नेतृत्व सर्वसम्मतबाट चयन हुने बताए । नेकपा एमालेमा कुनै खेमा नरहेको उनले बताउँदै अधिवेशनले नयाँ रुप दिदै सक्षम र कुशल नेतृत्व चयन गर्ने समेत बताए । पार्टीको अधिवेशन भएकाले एक ढिक्का भएर सहमतिबाट नेतृत्व चयन हुनेमा जोड दिएका थिए । अधिवेशनले नेता तथा कार्यकर्ताहरुमा उत्साह थपिएकोले नयाँ नेतृत्व चाहेको जस्तो नै कार्यसमितिमा पदाधिकारीहरु सहित अन्य पदहरुमा जुझारु नेताहरुलाई ल्याउने समेत उनको कथन थियो ।
त्यसैगरि नेकपा एमालेकी नेतृ भगवति चौधरीले मुलुकमा आर्थिक र सामाजिक क्रान्ति ल्याउन आवश्यक रहेको बताईन् । नेकपा एमाले समाजवादको सिद्धान्तलाई अंगालेर अघि बढेको बताईन् । नेपाली कांग्रेसको अधिवेशनमा नेताहरुले समाजवादको परिभाषा सिकाउँदै वडा वडामा भाषण गरेको उनले बताउँदै आप्mनो पार्टीको सिद्धान्त र समाजवाद फरक रहेकोले नेकपा एमालेले नै मुलुकको निकास दिन सक्ने बताईन् ।
नेतृ चौधरीले अधिवेशनबाट कस्तो पार्टी बनाउने भन्ने कुराको निष्कर्ष निकाल्न आवश्यक रहेको बताईन् । अधिवेशनले देशभर नै प्रथम पार्टी बनाउने लक्ष्य रहेको उनले बताउँदै नेतृत्व सर्वसम्मतबाट चयन हुनेमा जोड दिएकी थिइन् । समाज आर्थिक क्रान्तिबाट रुपान्तरण गर्न जरुरी रहेको समेत उनले जोड दिईन् । अधिवेशनको उद्घाटन सत्रलाई सम्वोधन गर्दै नेतृ चौधरीले सुनसरीमा एकजुट भएर १२४ वटा वडा, ८ वटा प्रदेश सभा र ४ वटा संघीय क्षेत्रमा नेकपा एमाले कब्जा गर्ने सकेमात्र लक्ष्य पुरा हुने बताईन् ।
त्यसैगरि नेकपा एमालेका केन्द्रीय सदस्य तथा सुनसरीका सहइन्चार्ज तैयब हुसेनले २०६९ सालमा भएको छैठो अधिवेशन सुनसरीको धरानमा भएको र सातौ अधिवेशन सुनसरीको इनरुवामा भएको जानकारी गराएका थिए । केन्द्रीय सदस्य हुसेनले सातौ जिल्ला अधिवेशनले सबैजातजाति, धर्म, लिङ्ग, भाषाका व्यक्तिहरुलाई नेतृत्वमा ल्याउने प्रतिवद्धता व्यक्त गरेका थिए । जिल्ला अधिवेशनबाट सर्वसम्मतबाट नेतृत्व छनौट गर्ने र निर्वाचन नहुने समेत उनले बताए ।
जिल्लामा धेरै आकांक्षीहरु भएपनि सबैलाई समेटेर अधिवेशनले सर्वसम्मतबाट नेतृत्व चयन हुनेमा शंका नगर्न सबैलाई अनुरोध समेत हुसेनले गरे । जिल्ला कमिटिमा १३५ जना नेतृत्वमा छनौट हुने नेता हुसेनले जानकारी गराउँदै सर्वसम्मतको विकल्प पनि नरहेकोले पुस २५ गतेसम्ममा निचोड निस्कने समेत उनले बताए ।
नेकपा एमाले सुनसरीको ७ औं जिल्ला अधिवेशनका अध्यक्ष खेमराज पोखरेलले एकताबद्धबाट उत्साहका साथ अधिवेशन सम्पन्न हुने बताए । पार्टीले सबैलाई मिलाएर सर्वसम्मतबाट नेतृत्व चयन गर्ने प्रतिवद्धता पोखरेलले व्यक्त गरेका छन् । अधिवेशनबाट सर्वसम्मत नेतृत्व चयन गर्ने प्रयास रहेकोले पुस २५ गतेभित्रसम्म जिल्ला कमिटि चयन गर्न सफल हुने समेत उनले बताए ।
अधिवेशनको उद्घाटन सत्रमा केन्द्रिय सदस्य मन्जु मण्डारी, लक्ष्मी गौतम लगायतका नेताहरुले नेताहरुले शुभकामना मनतब्य व्यक्त राखेका थिए । त्यसैगरि नेपाली कांग्रेस सुनसरीका सभापति केदार भण्डारी र नेकपा माओवादीका नेता ओके दाहालले समये अधिवेशनको सफलताको शुभकामना राखेका थिए ।
नेकपा एमाले सुनसरीको अधिवेशनमा हजार भन्दा बढीको सहभागिता रहेको थियो भने उद्घाटन सत्रका कार्यक्रम नेकपा एमाले सुनसरीका सचिव पर्शुराम यादवले संचालन गरेका थिए ।
