इनरुवा । मलखाद अभाव भएपछि सुनसरीका किसानहरु आन्दोलित बनेका छन् । सुनसरीका किसानहरु बिभिन्न माग राख्दै इनरुवामा परिक्रमा गर्दै प्रर्दशन गरेका हुन् ।
इनरुवाको बिहिवारे हाटदेखी लोकतान्त्रिक चौकमा कोण सभा परिणत गर्दैै माग पुरा नभए थप आन्दोलन गर्ने चेतावनी समेत दिएका छन् ।
किसान राष्ट्रिय एकता नेपाल इनरुवा सुनसरीको आयोजनामा बिहिवारे हाटदेखी इनरुवाको लोकतान्त्रि चौकसम्म प्रर्दशन गरेका थिए ।
कोणसभालाई सम्वोधन गर्दै किसान राष्ट्रिय एकता नेपालका केन्द्रीय सदानन्द साहले समयमा मलको आपुर्ती, किसान कार्डको व्यवस्था, किसान परिचय पत्र सहितका माग राखेर आन्दोनलमा उत्रेको बताएका छन् ।
सरकारले समयमा मलखाद उपलब्ध गराउन नसके चरणवद्ध आन्दोलनको घोषणा गरि सडकमा उत्रने किसानहरुले चेतावनी समेत दिएका छन् ।
सुनसरीमा रासायनिक मलखादको हाहाकार भएपछि किसानहरु बाध्य भएर आन्दोलनमा होमिएको उनले बताए । किसानहरुको समस्याप्रति सरकार उदासिन रहेको उनले बताउँदै किसानको समस्यामा सरकार गम्भिर नभए किसानहरु कृषि समाग्री लिएर लोकमार्ग अवरोध गर्ने उनको कथन छ ।
