इनरुवा । सुनसरीको इनरुवा–३ मा रहेको स्मल ह्यावेन एकेडेमीले शनिवार कक्षा ११ मा भर्ना भएका विद्यार्थीलाई स्वागत गरेको छ । स्मल ह्यावेन एकेडेमी परिवारले शनिवार स्वागत कार्यक्रमको आयोजना गरी नव आगन्तुक विद्यार्थीलाई स्वागत गरेको हो ।
इनरुवा–१ गन्नु बाबु मार्गमा रहेको जानकी पार्टी प्यालेसमा आयोजित कार्यक्रममा कक्षा ११ का विद्यार्थीहरुले नाँचगान, कविता तथा मुक्तकहरु प्रस्तुत गरेर गरेका थिए ।
इनरुवामा एउटा व्यवस्थित र विज्ञान विषय पठन पाठन गराउने क्याम्पस नरहेको कारण इनरुवाबाट दैनिक कयौं विद्याथीहरु इटहरी,धरान,विराटनगरतिर पठनपाठन गर्न बाहिर जाने समस्यालाई अन्त्य गर्नका लागि पहल सुरु गरेको विद्यालयका अध्यक्ष आशिष थापाले बताए ।
आफुहरुले हालै स्मल ह्यावेन एकेडेमीलाई कक्षा ११ र १२ मा व्यवसाय र विज्ञान विषय नेपाली र अंग्रेजी माध्यमको इनरुवा नगरपालिकासंग अनुमती लिएर पठनपाठन अघि बढाइरहेकोे अध्यक्ष थापाले जानकारी दिए ।
स्वागत कार्यक्रममा प्रमुख अतिथी स्मल ह्यावेन एकेडेमीका फाउण्डर बाला केशी, अध्यक्ष आशिष थापा,विशिष्ट अतिथी हरेराम मिश्र,दिपेश पंडित,अरविन्द्र दाश,विनायक अधिकारी,विशाल उप्रेती लगायतको उपस्थिती रहेको थियो भने विद्यालयका विद्यार्थीहरुको उत्साहजनक सहभागिता रहेको थियो ।
