इनरुवा । नेपाल कम्युनिष्ट पार्टी एमाले सुनसरीको सातौं जिल्ला अधिवेशनबाट अध्यक्षमा रेवती रमण भण्डारी निर्वाचित भएका छन् । अध्यक्षमा भण्डारीले ९ सय २० मत प्राप्त गरेर निर्वाचित भएका हुन् ।
भण्डारीले १ सय ४५ मतान्तरले निर्वाचित भएका हुन् । उनका प्रतिद्वन्द्वी खेमराज पोखरेलले ७ सय ७५ मत प्राप्त गरि पराजित भएका छन् । अर्का प्रतिद्वन्द्वी द्धारिकलाल चौधरीले ८० मत प्राप्त गरि पराजित भएका हुन् । अध्यक्ष पदका उम्मेदवार चौधरीले एक सय मत समेत ल्याउन सकेनन् ।
त्यसगरि उपाध्यक्षमा उपाध्यक्ष पदमा निलम खनालले १ हजार ११ मत ल्याएर निर्वाचित भएका छन् । ३ सय ११ मतान्तरले खनाल उपाध्यक्ष पदमा निर्वाचित भएका हुन् । उनका प्रतिद्वन्द्वी नन्द बस्नेतले ७ सय मत ल्याएर पराजित भएका हुन् । उपाध्यक्ष पदमा लिलम बस्नेतले उम्मेदवारी फिर्ता लिएका थिए । खनाल र बस्नेतबीच प्रतिस्पर्धा भएपछि खनाल ३ सय ११ मतले निर्वाचित भएका हुन् ।
त्यस्तै सचिव पदमा पर्शुराम यादव निर्विरोध निर्वाचित भएका थिए । सचिव पदका उम्मेदवार शत्रुघन यादवले समर्थन गरेपछि सचिव पदमा यादव निर्विरोध निर्वाचित भएका थिए ।
यस्तै उप–सचिव पदमा राम कोइरालाले ८ सय २१ मत ल्याएर निर्वाचित भएका छन् अर्का योग्यराज खड्काले ५ सय ६३ मत ल्याएर निर्वाचित भएका छन् । उप–सचिव पदमा दुई वटा कोटा रहेकोमा ७ जना निर्वाचनमा होमिएका थिए । पाँचजना उप–सचिव पदमा पराजित भएका हुन् ।
उप–सचिव पदका उम्मेदवारहरु पदम बहादुर लिम्बुले ५ सय २५, अञ्जनी कुमार पोखरेलले ४ सय ९७, लोकेश निरौलाले ४ सय ८४, लहरुमाया जिमीले २ सय ४० र अर्जुन गहतराजले २ सय २९ मत ल्याएर पराजित भएका हुन् । अञ्जनी कुमार पोखरेल इनरुवा नगरपालिका वडा नम्बर–५ का वडाध्यक्ष समेत हुन् ।
एमाले सुनसरीको ७ औं जिल्ला अधिवेशन अन्तर्गत मंगलवार सम्पन्न मतदानमा २ हजार १ सय ५० प्रतिनिधिहरुमा १ हजार ८ सय ५ मत खसेको थियो । ३ सय ४५ प्रतिनिधिहरुले मत हाल्न अनुपस्थिती रहेको थियो । बाँकी मतगणना आज बिहान ८ बजेबाट सुरु हुने निर्वाचन समितिले जनाएको छ ।
