इनरुवा । लिडो नेपाल नामक संस्थाको आयोजना र कतार च्यारेटीको सहयोग तथा हिदायत ऐजुकेशनल एण्ड वेलफेयर ट्रष्ट नेपाल र इनरुवा नगरपालिकाको समन्वयमा करिब ३७ लाख बराबरको स्वास्थ्य सामाग्री हस्तान्तरण गरेको छ ।
सुनसरीको इनरुवा नगरपालिकाको सभाहलमा आयोजित हस्तान्तरण कार्यक्रममा करिब ३७ लाख बराबरको स्वास्थ्य सामाग्री उपकरण एक कार्यक्रमका बीच मंगलवार हस्तान्तरण गरेको हो ।
स्वास्थ्य सामाग्रीमा २१ प्रकारका स्वास्थ्य सामाग्रीका उपकरणहरु इनरुवा नगरपालिकाका नगरप्रमुख राजन मेहतालाई हस्तान्तरण गरेको हो । इनरुवा नगरपालिकाले जिन्सी शाखामा दाखिला गरेर इनरुवा अस्पताललाई सो स्वास्थ्य सामाग्री हस्तान्तरण गर्ने नगरप्रमुख मेहताले बताएका छन् ।
तेस्रो कोरोना भाइरसको लहर दिनप्रतिदिन बढ्दै गएकोलाई मध्यनजर गर्दै लिडो नेपाल नामक र कतार च्यारेटीले सो बराबरको स्वास्थ्य सामाग्री हस्तान्तरण गरेको हो । यता इनरुवा अस्पतालका मेसु देवराज घिमिरेले अस्पताललाई सामाग्री हस्तान्तरण हुने बितिकै काम सुरु गर्ने र आएका सामाग्रीहरुलाई सदुपयोग गर्ने तथा संरक्षण गरी जनतालाई समयमै सेवा सुविधा उपलब्ध गराउने प्रतिवद्धता व्यक्त गरे ।
त्यसैगरी लिडो नेपालका अब्दुल वाफाले सो सामाग्री नगरप्रमुखलाई हस्तान्तरण गरेका थिए । कतार च्यारेटी नेपालका कार्यवाहक निर्देशक इर्शाद अलि सेखले कोरोना महामारीको बेला स्वास्थ्य समाग्रीका उपकरणहरु प्रदान गरि सहयोग गर्दै आएको बताए । च्यारेटीले इनरुवा नगरपालिकालाई करिब ३७ लाख बराबरको २१ प्रकारका स्वास्थ्य सामाग्री हस्तान्तरण गरिएको उनले बताए ।
स्वास्थ्य, शिक्षा, खानेपानी र आयआर्जन तथा सीपमुलक कार्यक्रमहरु सुनसरीमा संचालन भएको उनले बताए ।
कतार च्यारेटी नेपालका कार्यकारी निर्देशक सेखले अक्सिन सिलिन्डर, बेड १० थान, र्याक, रगत परीक्षण गर्ने उपकरण, इसीजी मेसिन सहित विभिन्न २१ वटा सामग्री इनरुवा नगर प्रमुख मेहतालाई हस्तान्तरण गरेका हुन् ।
प्रमुख अथिति सिताराम मेहता, इनरुवा नगरप्रमुख राजन मेहता, ज्योति सुब्बा, जिल्ला समन्वय समितिका प्रमुख गोपाल राजभण्डारी, अस्पताल प्रमुख डाक्टर देवराज घिमिरे, मोलाना हारुण खाँ, इर्शाद अलि सेख, हजरत हुसैन, लगायतको सहभागिता रहेको थियो ।
