इनरुवा । सुनसरीको बर्जु गाउँपालिका–६ चिमडीमा आयोजित तेस्रो बर्जु महोत्सवको अन्तिम दिनमा भारत बिहारका गायक तथा नायक खेसारीलाल यादव महोत्सवमा उपस्थित नभएपछि सहभागी दर्शकहरुले आगजानी तथा तोडफोड गरेका छन् । महोत्सव पुस २४ गतेदेखी सुरु भएको महोत्सव पुस ४ गतेसम्म जारी रहेको थियो ।
महोत्सवमा भारत बिहारका गायक तथा नायक यादव अनुपस्थित भएपछि आक्रोसित दर्शकहरुले कार्यक्रम सुरु भएको केही घण्टामा स्टेजमा तोडफोड र गाडीमा आगजानी गरेका हुन् । बर्जु सामुदायिक विकास केन्द्र चिमडीको आयोजनामा सुरु भएको महोत्सवमा अन्तिम दिन दर्शकहरुसँग ३ सय देखी ५ सय सम्म प्रवेश शुल्क लिएको र कार्यक्रम सुरु भएको केही घण्टासम्म भोजपुरी कलाकार खेसारीलाल यादव सहितको टोली नआएपछि आक्रोसित दर्शकहरुले आगजानी र तोडफोड गरिएको समाचार श्रोतले जनाएको छ ।
आयोजक समितिले भारतीय कलाकार खेसरीलाल यादव आउने भन्दै सर्वसाधारणलाई टिकट बिक्री गरेको थियो । तर खेसरीलाललाई स्थानीय प्रशासनले रोकेपछि आक्रोशित बनेको भिडले स्टेज तोडफोड र आगजनी गरेको हो । आक्रोशित भिडले महोत्सव स्थलमा पुगेका केही सवारीसाधनमा पनि आगजनी गरेको जिल्ला प्रहरी कार्यालय सुनसरीले जनाएको छ । भिड नियन्त्रण गर्ने क्रममा प्रहरीले बल पनि प्रयोग गरेको छ । प्रहरीले भीडलाई नियन्त्रण गर्न १५ राउण्ड अश्रु ग्याँस समेत प्रहार गरिएको सुनसरी प्रहरीले जनाएको छ ।
आक्रोसित सर्वसाधारणले आयोजकले कार्यक्रमको टिकट विक्रि गरि ठगि गरेको भन्दै महोत्सवमा तोडफोड गरिएको हो । बर्जु गाउँपालिका ६ चिमडी स्थित रहेको बर्जु तालको परिसरमा पुस २४ गते बाट सुरु भएको उक्त महोत्सवमा मंगलवार खेसारीलाल यादव आउने व्यापक प्रचारप्रसार गरेको र आयोजकले महँगो दरमा टिकट विक्री वितरण गरेको थियो ।
सुनसरी प्रशासनले पुस २७ गतेबाट महोत्सवमा रोक लगाएको भएपनि सुनसरी प्रशासनको नियमलाई अटेर गर्दे बर्जु सामाजिक विकास केन्द्रको आयोजनामा महोत्सव संचालन गरेपछि तोडफोड र आगजानी भएको छ ।
गायक तथा नायक खेसरीलाल यादवलाई बेलुका ३ बजेसम्म पखाईमा दर्शकहरुले स्टेज तोडफोड र सवारी साधनमा आगलागी गरेपछि प्रहरीलाई नियन्त्रण गर्न हम्मे हम्मे भएका थिए ।
यता सुनसरीका प्रमुख जिल्ला अधिकारी इन्द्रदेव यादवले जिल्ला प्रशासन कार्यालय सुनसरीले महोत्सवलाई स्थगित गर्न लिखित आदेश अटेर गरेको बताएका छन् । प्रजिअ यादवले आगजनीबाट क्षती भएको बिबरण तत्काल नखुलेको बताए । महोत्सवमा आक्रोसित दर्शकहरुले ४ वटा स्कार्पियोमा, १ वटा सिटिसफारी , १ वटा मोटरसाइकल र १ वटा साईकलमा आगजनी भएको उनले बताए । महोत्सवमा एक हजार भन्दा बढी प्लास्टिकको कुर्सी , स्टेज साउण्ड सिस्टम थान–२ र जेनेरेटर २ वटा मा पुर्णरुपमा क्षती भएको प्रजिअ यादवले जानकारी दिएका छन् ।
यता ईलाका प्रहरी कार्यालय दुहबीको बा १ झ १४१२ नम्बरको स्कारपियो पिकअप गाडीको अगाडिको सिसामा तीन ठाउँमा वरपरको भागमा र बायाँ साईडको ढोका माथी ढुंगाले लागेर फुटेको साथै इप्रका ईटहरी दरबन्दि भई ईलाका प्रहरी कार्यालय दुहबीमा कार्यरत प्रज ख्यामराज बिष्ट र प्रहरी चौकी भरौल सुनसरी दरबन्दि भई ईप्रका दुहबीमा कार्यरत मप्रज मिना माझीलाई हात र खुट्टामा ढुंगाले लागेर सामान्य घाईते भएको उनले जानकारी दिए ।
