गनेश कुमार यादव
इनरुवा । सुनसरीको इनरुवा नगरपालिका वडा नम्बर – २ लाई नेपाली काँग्रेसका केन्द्रिय सदस्य राजिव ढुंगानाले स्वास्थ्य सामाग्री हस्तान्तरण गरेका छन् ।
नेपाली कांग्रेसका केन्द्रीय सदस्य ढुंगानाले इनरुवा–२ लाई स्वास्थ्य सामाग्री बिहिवार एक कार्यक्रमका बीच हस्तान्तरण गरेका हुन् ।
इनरुवा–२ को वडा कार्यालयलाई पिपिइ सेट,मास्क,ग्लोव्स,एक थान अक्सिजन कन्सेन्ट्रेटर लगायतका स्वास्थ्य सामाग्री केन्द्रीय सदस्य ढुंगानाले इनरुवा–२ का वडाध्यक्ष सुरेन्द्र प्रसाद यादवलाई हस्तान्तरण गरिएको छ ।
नेपाली कांग्रेसका केन्द्रीय तथा कार्यक्रमका प्रमुख अतिथी ढुंगानाले बिगतको समयमा अक्सिजन सिलिण्डरको कमिका कारण नेपाली जनता अकालमैय मृत्यु भएकोलाई मध्यनजर गर्दै आफुले समयमै स्वास्थ्य उपकरण उपलब्ध गराएको बताए । उनले भने,“यस वडाका लागी अक्सिजन कन्सेन्ट्रेटर लगायतका स्वास्थ्य सामाग्र जुटाउन आफैं लागी परेको थिए ।
आफनो पहल र प्रयासमा स्वास्थ्य सामाग्री उपलब्ध गराई बिहिवार हस्तान्तरण गर्ने सौभाग्य प्राप्त भएको छ ।”
कार्यक्रमका बिशिष्ट अतिथि भीम पौडेलले पछिल्लो समयमा खोपको अभावका कारण इटहरीदेखी इनरुवा,देवानगंज,हरिनगरमा गएर खोप लगाउन बाध्य भएको बताए ।
बर्तमान सरकारले पर्याप्त मात्रामा खोप उपलब्ध गराएको र १८ वर्ष मुनिका बालबालिकालाई समेत खोप लगाउँने कार्य भैरहेको उनले जानकारी दिए । वर्तमान सरकारले खोप अभियान सबै पालिकाहरुमा संचालन गरेको हुदाँ निर्धक्कसँग लगाउन उनले सर्वसाधारणहरुलाई आग्रह समेत गरे । स्वास्थ्य सामाग्रीलाई प्रयोग बिहिन नबनाई जनताको सेवामा प्रयोग गर्नुपर्नेमा समेत उनले जोड दिए ।
यता इनरुवा–२ का वडाध्यक्ष यादवले वडा कार्यालयलाई स्वास्थ्य सामाग्री उपलब्ध गराएकोमा धन्यवाद दिदै जनतालाई अप्ठयारो परेको बेला साथ र सहयोग गर्ने प्रतिवद्धता व्यक्त गरेका छन् । कोरोनाको तेस्रो चरणको लहरमा स्वास्थ्य सामाग्री उपलब्धले जनतालाई समयैमा अक्सिजन दिन सक्ने र समस्यामा परेको व्यक्तिहरुलाई आफुसँग सम्र्पक गर्न अनुरोध समेत उनले गरे ।
कार्यक्रममा प्रमुख अतिथीमा नेपाली काँग्रसका केन्द्रिय सदस्य राजिव ढुंगाना,बिशिष्ट अतिथि इटहरी उद्योग वाणिज्य संघका अध्यक्ष भीम पौडेल,अतिथि इनरुवा–२ का वडा सदस्य रन्जेश भट्टराइ,नेपाली काँग्रेस इनरुवा–२ का वडा सभापती बादल साहको सहभागिता रहेको थियो । त्यसैगरि शिव यादव,बिबेक साह, शंकर मेहता लगायत वडाका कर्मचारी र स्वास्थ्य कर्मीहरुको समेत सहभागितामा सो स्वास्थ्य सामाग्र हस्तान्तरण गरेको थियो ।
कार्यक्रम इनरुवा नगरपालिका वडा नं–२ का वडा अध्यक्ष सुरेन्द्र प्रसाद यादवको अध्यक्षतामा सम्पन्न भएको थियो । हस्तान्तरण कार्यक्रममा वडा सदस्य रन्जेश भट्टराइले स्वागत मन्तव्य राखेका थिए । कार्यक्रम नेपाली कांग्रेस इनरुवा–२ का वडा सचिव वहाव अन्सारीले संचालन गरेका थिए ।
