संगम बिष्ट
चतरा । आर्थिक रुपमा कमजोर र शारिक रुपमा समेत अशक्त रहेको छेदन चौधरीको घर भत्कनै लागेको थियो । बासले च्यापेको जस्ताबाट पानी चुहिन थियो । माटोको घरभएकाले बर्षाको समयमा पानी घर भित्रै छिर्थियो । अती गरिबिका कारण छेदनको परिवारले घर बनाउन सकेका थिएन् । पटक – पटक स्थानिय सरकार वडा र नगरमा गएर कुरा राखे पनि सुनुवाई भएन् ।
तर करिव १ महिना अगाडि स्थानीय कांग्रेसका नेताले छेदनको बारेमा कांग्रेस नगर सभापति रमेश कार्कीलाई भने पछि उनको घर निर्माण सुरु भयो । हाल आन्दामठका छेदन चौधरीको घर वराहक्षेत्र कांग्रेसद्वारा निर्माणको कार्य अन्तिम चरणमा पुगेको छ ।
वराहक्षेत्र – ४ आन्द्रामठमा छेदन चौधरीको घरमा उनि सहित ४ जनाको सदस्य बस्छन् । छेदन आफैमा शारिरिक रुपमा अशक्त छन् । उनी आखा देख्दैनन् र काम पनि सुन्दैनन् । छेदनको दिदि पनि अशक्त छिन् , छोरि कक्षा नौ मा पढ्छिन् । छेदनको श्रीमति दैनिक ज्यालादारीमा काम गरेर जसोतसो परिवारको गुजारा गरिरहेकी छन् ।
नियमित बर्षाको समयमा जेनतेन गुजारा गरेका छेदनको परिवारलाई कात्तिक लाग्नासाथ परेको वेमौसमी बर्षाले भन्ने घरलाई क्षति गराई दिए पछि आवासकै समस्या निम्ताएको थियो। गाँस र बाँस हुदैको समस्याले छेदनको परिवारलाई सताएको थियो ।
नया घर बनाउने चाहना अनुसार केही थान पिलर समेत केही वर्ष अगाडिनै झारे पनि छेदनलाई घर बनाउन् आर्थिक समस्याले दिएन् । स्थानीय सरकारसंग हारगुहार गरे पनि बास्ता नगरे पछि पानी झरीमा चुहिने छानो मुनी नै बस्नु परेको छेदनको श्रीमतिको गुनास गर्छिन् ।
तर त्यो छेदनको परिवारको बाध्यता अबको केही दिनमै हट्ने भएको छ । छेदनको पुरानो घरलाई हटाएर त्यहि स्थानमा सानो व्यवस्थित घर नेपाली कांग्रेसका नेताहरुले बनाई दिने भए पछि उनको त्यो बाध्यता हट्ने भएको हो ।
छेदनको घर बनाईदिन नेपाली कांग्रेस वराहक्षेत्र नगर समिति सभापति रमेश कार्की, नेपाली कांग्रेसका महाधिवेशन प्रतिनिधि रोहित सुब्बा , भरौल कांग्रेसका नेताहरुबाट रकम संकलन गरेर घर निमार्णको काम भएको हो ।
उक्त घरको बिहिबार नगर सभापति कार्की सहित केन्द्रीय महाधिवेशन प्रतिनिधि बावुराम बिष्ट , अनु गुरुङ , वडा सभापति नुतन धामि , क्षेत्रिय प्रतिनिधि खेमराज दाहाल, काशिराम चौधरी , जानुका चौधरीले अवलोकन समेत गरेका थिए ।
