इनरुवा । नेपाली कांग्रेसका युवा नेता डा. अबल हुसेन अन्सारीले काठमाण्डौंमा निःशुल्क औषधी वितरण कार्यक्रमलाई निरन्तरता दिदै सुनसरीमा पनि पालिकाहरुलाई निःशुल्क औषधी वितरण गर्ने बताएका छन् ।
काठमाडौंको बानेश्वर–माइतीघर सडकखण्डको बिजुली बजार पुलपारी बानेश्वरतिर जाने बाटैमा औषधि व्यबस्था विभागको कार्यालय अगाडी बुधवारबाट सुरु गरेको निःशुल्क औषधी वितरण गर्ने कार्यक्रमलाई निरन्तरता दिदै बिहिवार पनि निःशुल्क पारासिटामोल र मास्क वितरण गरेको अन्सारीले बताएका हुन् ।
औषधी व्यवस्था विभाग अगाडी बिहिवार दोश्रो दिन ४ सय २ जनालाई चेकजाँच गरि निःशुल्क पारासिटामोल र मास्क वितरण गरेको उनले बताउँदै ५ हजार भन्दा बढी पारासिटामोल निःशुल्क वितरण गरेको बताए । निःशुल्क सिटामोल वितरण अभियान एक सातासम्म चल्ने समेत उनले बताए ।
निःशुल्क पारासिटामोल निःशुल्क औषधि वितरण अभियान’ लाई निरन्तरता दिदै डा. युवा नेता अन्सारीले सर्वसाधारणहरुको चेकजाँच गरि समाजसेवा गर्ने भावनाले निःशुल्क औषधी वितरण गर्ने अभियान सुरु गरेको उनले बताए ।
आयन हेल्थ केयर र अनमोल हेल्थ केयर प्रा.लिको आयोजनामा हिजोबाट निःशुल्क औषधी वितरण गर्न थालेको समेत उनले बताए । मुलुकमा पारासिटामोल नपाएको समाचार बिभिन्न मिडियामा आउन थालेपछि युवा नेता अन्सारीले अभियान रुवरुप काठमाण्डौंबाट अभियानलाई देशव्यापी सुरु गर्ने लक्ष्य लिएको समेत बताए ।
सुनसरीको तत्काल चारवटा पालिकाहरुलाई निःशुल्क पारासिटामोल र मास्क उपलब्ध गराउने डा. अन्सारीको कथन छ । इनरुवा नगरपालिका, भोक्राहा नरसिंह, कोशी, हरिनगर गाउँपालिकालाई निःशुल्क पारासिटामोल र मास्क हस्तान्तरण गर्ने उनले बताए । पहिलो चरणमा सुनसरीको इनरुवा नगरपालिकालाई १० हजार पारासिटामोल र मास्क नगर प्रमुखलाई हस्तान्तरण गर्ने र गाउँपालिकाहरुलाई चार हजारका दरले पारासिटामोल र मास्क हस्तान्तरण गर्ने समेत उनले बताए ।
आयन हेल्थ केयर र अनमोल हेल्थ केयर प्रा.लिका संचालक डा.अन्सारीले पछिल्लो समय मौसमी रुघाखोकी, ज्वरो आउने जस्ता लक्षण देखा परेका बिरामीको संख्या बढ्दै गएको बेला आफुले निःशुल्क औषधी वितरण गर्ने अभियान सुरु गरेको उनको कथन छ । मुलुकमा सिटामोल अभाव भएकोले सर्वसाधारणहरुलाई सहजताका लागि अभियानबाट सेवा प्रवाह गरेको संचारकर्मीहरुसँगको कुराकानीमा उनले बताए ।
बुधवार औषधी व्यवस्था विभागको अगाडी ५ सय ४१ जनालाई ७ हजार ३ सय जनालाई निःशुल्क पारासिटामोल र मास्क वितरण गरिएको थियो ।
