इनरुवा । सुनसरीको इनरुवा नगरपालिकामा इनरुवा जेसिजको ३८ औं पदस्थापना तथा पुरस्कार वितरण कार्यक्रम शुक्रवार सम्पन्न भएको छ । इनरुवाको माँ जानकी पार्टी प्यालेस गन्नु बाबु मार्गमा एक कार्यक्रमका बीच ३८ औं पदस्थापना तथा पुरस्कार वितरण कार्यक्रम सम्पन्न भएको हो ।
कार्यक्रमका प्रमुख अतिथि नेपाली कांग्रेसका केन्द्रीय सदस्य तथा प्रदेश १ का संसदीय दलका नेता राजीव कोइरालाले जेसीजको मुल मन्त्रलाई आत्मसाथ गरी युवाहरुलाई लाग्न आग्रह गरेका छन् ।
व्यक्तिको होइन,विधिको शासनलाई कायम गर्ने एक मात्र जेसीज भएकोले युवाहरुलाई आवद्ध हुन उनले आग्रह गरेका छन् । इनरुवा जेसीजको ३८ औं पदस्थापना तथा पुरस्कार वितरण कार्यक्रमलाई सम्वोधन गर्दै नेता कोइरालाले ३८ वर्षपछि नेतृत्वमा महिला आएकोले इतिहास रचेको बताए । इनरुवा जेसीजबाट उत्पादन भएका व्यक्तिहरु राजनीतिक क्षेत्रमा पहुँच भएको उनले बताए । जेसीजमा लागेको व्यक्तिहरुको नेतृत्व गर्ने सक्ने क्षमताको विकास हुने गरेकाले जेसीजमा युवाहरुको सहभागिता बढाउनुपर्ने उनको कथन छ ।
इनरुवा जेसीजमा लागेकी पुष्पा निरौला खरेल वर्ष २०२२ को अध्यक्ष भएकोले इनरुवा सहित मुलुकमा इतिहास रचेको हुदाँ कार्यकालको सफलताको शुभकामना समेत व्यक्त उनले गरेका छन् । इनरुवा जेसीज वर्ष २०२१ का अध्यक्ष सम्यम कोइराला र कोषाध्यक्ष पुष्पा निरौला खरेल नेतृत्वको टिमले इनरुवामा ऐतिहासिक क्षेत्र ‘क’ सम्मेलन सम्पन्न गराएर इनरुवा जेसीजको नाम उच्च राख्न सफल भएको उनले चर्चा समेत गरे ।
ब्यक्तित्व विकास गर्ने ठुलो माध्यम नै जेसिज भएकोले क्षमतावान तथा असल ब्यक्ति बनाउन मदत गर्न जेसिजको भुमिका अहम रहेको उनले बताउँदै असल नेतृत्वको विकास , योग्य क्षमतवान बनाउने र सिकाईको क्रममा थप मदत पु¥याउन जेसिजले ठुलो भुमिका खेलेको बताए ।
पदस्थापना कार्यक्रमा इनरुवा जेसिज वर्ष २०२१ का अध्यक्ष सम्यम कोइरालाले वर्ष २०२२ की अध्यक्ष पुष्पा निरौला खरेललाई पद हस्तान्तरण गरेका थिए ।
इनरुवा जेसीज वर्ष २०२१ का अध्यक्ष सम्यम कोइरालाले वर्ष २०२२ की अध्यक्ष पुष्पा निरौला खरेललाई सपथ ग्रहण तथा पदस्थापना गराएका थिए भने अध्यक्ष निरौलाले नयाँ कार्यसमितिका पदाधिकारीहरुलाई सपथ ग्रहण तथा पदस्थापना गराएको इनरुवा जेसीजले जनाएको छ ।
त्यसैगरि वर्ष २०२२ का कार्यकारीणी उपाध्यक्षहरुमा बिकेश मेहता र सत्य नारायण यादव ,उपाध्यक्षहरु रिषिता साह, अरबिन केसि, सुशान्तजंग बस्नेत र कृष्ण प्रसाद आचार्य चयन भएका हुन् । वर्ष २०२२ का अध्यक्ष निरौलाले महासचिव, कोषाध्यक्ष र कानुनी सल्लाहकार चयन गर्ने बताएकी छिन् ।
इनरुवा जेसिज २०२२ की अध्यक्ष पुष्पा निरौला खरेलले इनरुवा जेसिजलाई कहिल्यै पनि दाग नलाग्ने दिने गरि नेतृत्व भुमिका निर्वाह गर्ने प्रतिवद्धता ब्यक्त गरेकी छिन् । सबैको मान, इज्जत,प्रतिष्ठामा आँच आउन नदिने र उच्च मनोवलका साथ आफनो कार्यकाल सफल बनाउने प्रतिवद्धता उनले ब्यक्त गरेकी छिन् । इनरुवा जेसीजमा ३८ वर्ष पछि बल्ल महिलाले अध्यक्ष पदमा नेतृत्व सम्हालेको हुनाले महिलामैत्री बनाउने अठोट लिएको निरौला खरेलले बताएकी छिन् ।
इनरुवा जेसीजको इतिहास कोर्न सफल र सुदृढिकरण गर्ने अभियान आप्mनो मुख्य जिम्मेवारी रहने समेत उनले बताईन् । जेसी पुष्पा निरौला खरेल जेसी सुनोज निरौलाका श्रीमति हुन् । इनरुवा जेसीजको निरौला खरेल वर्ष २०१७ की उपाध्यक्ष, २०१८ की महासचिव, २०१९ की जीएलसी, २०२० की इभीपी, २०२१ की कोषाध्यक्ष पदमा सम्हालिसकेकी अनुभवी व्यक्ति हुन् । इनरुवा जेसीजमा लामो समय नेतृत्व सम्हालेकी निरौला खरेलले वर्ष २०२२ का लागि ३८ औं साधारण सभाबाट अध्यक्ष पदमा निर्वाचित भएर इनरुवाको इतिहास रच्न सफल भएकी हुन् ।
