इनरुवा । राष्ट्रिय फोटो पत्रकार समूह सुनसरीको अध्यक्षमा गुरु ढकाललाई सर्वसम्मतबाट चयन गरेको हो । सुनसरीको इटहरीमा आयोजना गरिएको जिल्ला भेलालले ढकालको अध्यक्षतामा १३ जनाको कार्य समिति सर्वसम्मतबाट चयन गरेको हो ।
इटहरी निवासी ढकाल १५ वर्षदेखि फोटो पत्रकारितामा संलग्न छन् । नेपाल प्रेस युनियन सुनसरी र राष्ट्रिय फोटो पत्रकार समुहको आयोजनामा तीन दिन अघि इटहरीमा सुनसरीका पत्रकारहरुलाई तालिम पश्चात् बिहिवार ढकालको नेतृत्वमा जिल्ला कार्यसमिति विस्तार गरिएको हो ।
यस्तै, उपाध्यक्षमा सुरेशचन्द्र दाहाल, सचिवमा अर्जुन सुवेदी, सहसचिवमा सन्चिता धमला र कोषाध्यक्षमा बुलेट खतिवडा चयन भएका छन् । त्यसैगरी सदस्यहरूमा सुमन भट्टराई, आरबी कटवाल, संगीत सिग्देल, रामकुमार कटवाल, बिनोद आचार्य, गनेश कुमार यादव, सचिन राई र दीपक पुरी चयन भएका छन् ।
राष्ट्रिय फोटो पत्रकार समूह राष्ट्रिय अध्यक्ष प्रदीपराज वन्तको अध्यक्षतामा जिल्ला भेला सम्पन्न भएको थियो ।
गठनअघि पत्रकार महासंघ सुनसरीका उपाध्यक्ष गणेश निरौलाको प्रमुख आतिथ्यतामा औपचारिक कार्यक्रम गरिएको थियो ।
कार्यक्रममा नेपाल प्रेस युनियन सुनसरी अध्यक्ष पवन अधिकारी, प्रेस चौतारी सुनसरी अध्यक्ष शुभद्रा प्याकुरेल, आदिवासी जनजाति पत्रकार महासंघ (फोनिज) सुनसरी अध्यक्ष नवीन गुरुङ, वरिष्ठ फोटोग्राफर बिशप ताम्राकार लगायतले बोलेका थिए ।
राष्ट्रिय फोटो पत्रकार समूह सुनसरीको सदस्यमा इनरुवाबाट पत्रकारीता गर्दै आएको गनेश कुमार यादवले ठुलो अवसर पाएकोले प्रत्यक्ष र अप्रत्यक्ष सहयोग गर्ने सबैलाई धन्यवाद दिएका छन् । यादव सुनसरी अनलाइनका प्रमुख संवाददाता हुन् ।
