इनरुवा । नेपाली काँग्रेस सुनसरी क्षेत्र नम्बर ४ का क्षेत्रीय सदस्य राजकुमार साह उर्फ राजुले आफूले काँग्रेस छाडेर जनता समाजबादी पार्टी नेपालमा प्रबेश गरेको कुरा झुठो भएको बताएका छन् ।
कोसी गाउँपालीका वडा नम्बर– १ का वडाध्यक्ष समेत रहेका साहले कुनैपनि पार्टीमा प्रबेश नगरेको र गर्ने पनि मनशाय नभएको बताउँदै आफू पहिले काँग्रेस भएको, अहिले रहेको र पछिसम्म मर्नेबेलासम्म आफू काँग्रेस नै रहिरहने दाबी गरेका छन् ।
उनले भिडियोमा बोल्दै आफू कोसी गाउँपालीका सधैं काँग्रेसमय बनाउने कार्यका लागि तन मन र धन सबै लगाएर लागिरहने बताउँदै अन्य पार्टीलाई पनि बुझिरहन आग्रह समेत गरेका छन् ।
नेपाल सरकारका प्रवक्ता एबम् सञ्चारमन्त्री ज्ञानेन्द्र बहादुर कार्कीको क्षेत्रमा पर्ने उक्त क्षेत्रको कोशी गाउँपालीकाका अध्यक्ष एवं क्षेत्र नम्बर ४ काँग्रेसका सभापति ऐयुव अन्सारीलाई केही हुलहुज्जतले आक्रमण गर्ने प्रयास गरेपछि स्थानीय नेता साहलाई जनता समाजबादी पार्टी नेपालमा प्रबेश गरेको भनेर आएको हल्लाको साहले भिडियो सार्वजनिक गरेर कांग्रेसमा नै रहेकोले कुनै पनि पार्टीमा प्रवेश नगरेको बताए ।
रातीको समयमा सामाजिक संजालमा भिडियो र फोटोहरु सार्वजनिक गरेर बदनाम गरेको र रातीको समयमा के भयो भन्ने बारेमा आफु अनभिज्ञ रहेको समेत उनले बताए ।
नेपाली काँग्रेस सुनसरीले ऐयुव अन्सारीलाई गरेको आक्रमणको निन्दा गर्दै दोषी उपर कारबाहीको माग गरिसकेका छन् । स्थानीय स्तरमा दोषीमाथी कारबाहीको माग गर्दै आन्दोलनसमेत भईरहेको छ ।
नेपाली कांग्रेसलाई कमजोर बनाउनका लागि समय समयमा बिभिन्न फण्डाहरु अपनाएर घर फुटाउने गिरोह सक्रिय भएकाले कांग्रेसका नेता तथा कार्यकर्ताहरुलाई सजग र सचेत हुन पनि साहले आग्रह गरेका छन् ।
