इनरुवा । नेपाली कांग्रेस सुनसरी क्षेत्र नम्बर–४(ख) प्रदेश सभाको पहिलो बैठकबाट पाँच निर्णयहरु सार्वजनिक गरेको छ । नेपाली कांग्रेसको १४ औं अधिवेशनबाट निर्वाचित भएपछि सुनसरी क्षेत्र नम्बर–४(ख) प्रदेश सभाको बिहिवार बसेको पहिलो बैठकले पाँच निर्णयहरु सार्वजनिक गरेको हो ।
सुनसरी क्षेत्र न. ४(ख) प्रदेश सभा कार्यसमितिको पहिलो बैठक सौहाद्रपूर्ण बाताबरणमा सम्पन्न भएको छ । प्रदेश सभा ४ (ख) का सभापति भिखारी मण्डलको अध्यक्षमा बैठक सम्पन्न भएको हो । बैठकले नेपाली कांग्रेसको १४औ महाधिवेशनमा प्रत्यक्ष र अप्रत्य सहयोग गर्ने सबैलाई धन्यवाद ज्ञापन गरेको छ ।
प्रदेश सभाको बैठकले प्रदेश कार्यालय भोक्राहा नरसिंह गाउँपालिकाको चिरौलीमा स्थापना गरी व्यवस्थित ढंगले संचालन गर्ने निर्णय भएको प्रदेश सभा ४ (ख)का सचिव नजामुद्धिन अन्सारी(नईम) ले जानकारी दिएको छ ।
त्यसैगरी प्रदेश सभा ४ (ख) को पुर्व सभापति हारुण अन्सारीले वर्तमान सभापति भिखारी मण्डललाई सम्पुर्ण कागजातहरु बैठकमा बरबुजारत गरेका थिए । बैठकले सभापति मण्डलसँग ४ मतले पराजित भएका अन्सारीलाई प्रदेश सभाको सदस्य पदमा मनोनित गरेको छ ।
प्रदेश सभा–४(ख) को पहिलो बैठकले सुनसरी क्षेत्र नम्बर–४ का क्षेत्रीय सभापति तथा कोसी गाउँपालिकाका अध्यक्ष ऐयुव अन्सारीमाथि भएको दुव्र्यवाहारप्रति खेद प्रकट गर्दै आगामी दिनमा पुनः यस्तो घटना नदोहो¥याउनका लागि समेत चेतावनी दिएको छ । नेपाली कांग्रेसका नेता तथा कार्यकर्ताहरु माथि कसैले पनि ठेस लगाउने प्रयास गरे प्रतिकारमा उत्रने समेत बैठकको निर्णय भएको छ ।
