इनरुवा । नेपाली कांग्रेसका केन्द्रीय सदस्य राजीव ढुंगानाले इनरुवा–६ स्थित मधेशा स्वास्थ्य चौकीलाई स्वास्थ्य समाग्री हस्तान्तरण गरेको छ । इनरुवा–६ स्थित स्वास्थ्य चौकीलाई आइतवार एक कार्यक्रमकाबीच स्वास्थ्य समाग्री हस्तान्तरण गरेको हो ।
नेपाल विद्यार्थी संघका केन्द्रीय सभापति समेत रहेका ढुंगानाले तेस्रो चरणको कोरोना महामारीको बेला मधेशा स्वास्थ्य चौकीलाई स्वास्थ्य समाग्री हस्तान्तरण गरेको बताए ।
स्वास्थ्य चौकीबाट इनरुवा–६ मधेशावासीहरुलाई समयमै उपचारका लागि सहजता हुने उद्देश्यले स्वास्थ्य समाग्री उपलब्ध गराएको कांग्रेस केन्द्रीय सदस्य ढुंगानाले बताए । केन्द्रीय सदस्य ढुंगानाले हस्तान्तरण कार्यक्रमलाई सम्वोधन गर्दै सर्वसाधारणहरुलाई समयमै अक्सिजन उपलब्ध हुने उद्देश्यले एक थान अक्सिजन कन्सेन्ट्रेटर सहित अन्य स्वास्थ्य समाग्री उपलब्ध गराएको बताए ।
इनरुवा–६ को मधेशाा स्वास्थ्य चौकीलाई पिपिइ सेट,मास्क,ग्लोव्स लगायतका स्वास्थ्य समाग्री केन्द्रीय सदस्य ढुंगानाले इनरुवा–६ का वडाध्यक्ष कोशराज अधिकारीलाई स्वास्थ्य समाग्री हस्तान्तरण गरेका हुन् ।
नेपाली कांग्रेसका केन्द्रीय सदस्य तथा कार्यक्रमका प्रमुख अतिथी ढुंगानाले बिगतको समयमा अक्सिजन सिलिण्डर अभावका कारण नेपाली जनता अकालमैय मृत्यु भएकोलाई मध्यनजर गर्दै आफुले समयमै स्वास्थ्य उपकरण उपलब्ध गराएको बताए ।
उनले भने, ‘यस वडाका लागी अक्सिजन कन्सेन्ट्रेटर लगायतका स्वास्थ्य सामाग्र जुटाउन आफैं लागी परेको थिए । केही महिना अघि नै प्रदान गर्ने योजना रहेको हुदाँ समयले साथ नदिएको कारण आइतवार एक कार्यक्रमका बीच हस्तान्तरण गर्ने मौका पाएकोले खुशी छु ।’
अगामी दिनमा पनि समन्वय र सहकार्य गरी सहयोग गर्ने प्रतिवद्धता व्यक्त गर्दै उनले मधेशा स्वास्थ्य चौकीलाई नमुना बनाउनका आफुले पहल र प्रयास गर्ने बताए ।
यस्तै मधेशा स्वास्थ्य चौकीका व्यवस्थापन समितिका अध्यक्ष समेत रहेका इनरुवा–६ का वडाध्यक्ष कोशराज अधिकारीले सहयोग गरेकोमा धन्यवाद ज्ञापन गर्दै यस वडामा विकासका प्याकेज ल्याउनका लागि पनि अनुरोध गरेका थिए ।
मधेशावासीको लागि सहयोग जुटाउने केन्द्रीय सदस्य ढुंगाना लगायतको टिमलाई विकास निर्माणका काममा पनि पहल गर्नुपर्नेमा उनले जोड दिएका थिए ।
कार्यक्रममा नेबिसघका केन्द्रिय पुर्व उपाध्यक्ष तथा केन्द्रिय महाधिवेशन प्रतिनिधि विकास केसी, नेपाली कांग्रेस इनरुवाका उपसभापति विनिता दाहाल, नगर सचिव खेम थापा, इनरुवा–६ का वडा सभापति सुमन थापा, कांग्रेसका युवा नेता तथा समाजसेवी उत्तम कार्की लगायतको सहभागिता रहेको थियो ।
