इनरुवा । नेपाली कांग्रेस सुनसरीका सभापति पदका प्रत्यासी संजय श्रेष्ठले सुनसरी कांग्रेसका निर्वाचित जिल्ला सदस्यहरुलाई सम्मान गर्दै बधाई तथा शुभकामना दिएका छन् ।
सुनसरी कांग्रेस सभापति पदका प्रत्यासी श्रेष्ठले आफनो घरमा निर्वाचित जिल्ला सदस्यहरुलाई सम्मान गर्दै मंगलवार बधाई तथा शुभकामना दिएका हुन् ।
कांग्रेसका पालिका सदस्यहरुमा निर्वाचितहरुलाई कोभिडको लहरमा गर्न नसकेकोले बधाई तथा शुभकामना कार्यक्रमको आयोजना गरिएको उनले बताए । श्रेष्ठले निर्वाचित सदस्यहरुलाई कार्यकालको सफलताको शुभकामना व्यक्त गर्दै स्थानीय तहको निर्वाचनमा अहम भुमिका खेल्न समेत उनीहरुलाई अनुरोध गरे ।
नेपाली कांग्रेसले गुट र फुटको राजनीतिक नगरी नेपाली कांग्रेसलाई १२ वटै स्थानीय, १ सय २४ वटा वडा र ८ वटा प्रदेशमा जिताउने अभिभारा आएकोले गुटको राजनीतिक नगरी सिंगो कांग्रेसलाई बलियो बनाई रणनीती बनाई अगाडी बढ्नुपर्ने उनले बताएका थिए ।
त्यसैगरी सुनसरी क्षेत्र नम्बर–२ का प्रतिनिधि सभा सदस्य सीताराम मेहताले एकजुट भएर अगाडी बढ्नुपर्ने बताए ।
सम्मान तथा बधाई शुभकामना कार्यक्रमलाई सम्वोधन गर्दै नेपाली कांग्रेसलाई बलियो बनाउन आ–आफनो ठाउँबाट भुमिका निर्वाह गर्नुपर्ने बताए । नेपाली कांग्रेसको १४ औं महाधिवेशनका बेला समुह बनाएर निर्वाचनमा होमिए पनि अब कांग्रेस एक भएर चुनावी अभियानमा लाग्नुपर्ने उनले बताए ।
संघीय सांसद मेहताले जिल्लाका नवनिर्वाचित जिल्ला सदस्यहरुलाई स्थानीय तहको मिति घोषणा भएकोले जिल्लाका नेताहरुको काँधमा ठुलो जिम्मेवारी आएको हुदाँ गुटको राजनीतिक नगरीकन कांग्रेसलाई कसरी जिताउन सकिन्छ भन्ने बारेमा चिन्ता गर्नुपर्ने समय आएको उनले बताए ।
नेपाली कांग्रेस सुनसरीका सचिव वीरेन्द्र शाहले सम्मान तथा शुभकामना आदान प्रदान कार्यक्रमलाई सम्वोधन गर्दै औपचारिक कार्यक्रम गरेकोले गुटको भेला नभएको स्पष्ट पारे । नवनिर्वाचित जिल्ला सदस्यहरुलाई बधाई तथा शुभकामना आदान प्रदान गर्ने मौका नपाएर सुनसरी कांग्रेसका प्रत्यासी सभापति पदका उम्मेदवार श्रेष्ठले आफनो घरमा आयोजना गरेको बताए ।
अधिवेशन पछि गुट समाप्त भएको र अबका दिनमा नेपाली कांग्रेसलाई मजबुत बनाउनका लागि सबैले भुमिका निर्वाह गर्नुपर्नेमा उनले जोड दिए । सुनसरी कांग्रेसमा कुनै गुटउपगुट नभएको उनले स्पष्ट पार्दै स्थानीय तहको निर्वाचनमा एकताबाट कांग्रेसको किल्ला गाड्नका लागि कांग्रेसलाई जिताउन आवश्यक रहेको समेत उनले बताए ।
नेपाली कांग्रेसका केन्द्रीय सदस्य राजीव ढुंगाना, नेपाली कांग्रेस सुनसरीका वरिष्ठ नेता प्रदीप चौधरी, महाधिवेशन प्रतिनिधिहरु परमानन्द मेहता, सदानन्द मण्डल लगायतका नेता तथा कार्यकर्ताहरुको सहभागिता रहेको थियो ।
