इनरुवा । सुनसरीको इनरुवा नगरपालिका–९ बवियाकी एक महिलाको मंगलवार घर निर्माण कार्यको शिलान्यास गरिएको छ । आर्थिक अवस्था कमजोर भएकी इनरुवा–९ बवियाकी एकल महिलालाई एक कार्यक्रमका बीच घर शिलान्यास गरिएको हो ।
इनरुवा–९ बवियाकी रोशन खातुनको आर्थिक अवस्था कमजोर भएका कारण सार्थक प्रयास इनरुवाको टिमको प्रयासले दुई कोठे घर निर्माणका लागि शिलान्यास गरिएको जनाइएको छ ।
आर्थिक अवस्था कमजोर रहेको साथै घरको अवस्था जिर्ण रहेको इनरुवा–९ बविया निबासी एकल महिला खातुनलाइ देश विदेशमा रहेका इनरुवाबासी दाताहरुको आर्थिक सहयोग र सार्थक प्रयास इनरुवाको व्यवस्थापनमा दुई कोठे घरको शिलान्यास गरिएको उत्तम चाम्लिङ्ग राईले जनाएको छ ।
यसअघि इनरुवा–१ पुर्वटोल निवासी सरिता सुबेदीलाइ दिने घरको शिलान्यास माघ १६ गते सम्पन्न भइ निर्माण कार्य सुचारु अवस्थामा रहेको छ सार्थक प्रयास इनरुवाले जनाएको छ । शिलान्यास कार्यक्रममा सार्थक प्रयास परिवार र स्थानीयबासिहरुको उपस्थिति रहेको थियो ।
