इनरुवा । सुनसरी जिल्ला अदालत बार एशोसिएसन इनरुवाको अध्यक्षमा अधिवक्ता अश्विनी कुमार भट्टराईको नेतृत्वमा १३ जनाको कार्यसमिति निर्विरोध निर्वाचित भएका छन् ।
सुनसरी जिल्ला बार एशोसिएसनमा सर्वसहमतिबाट आलोपालो नेतृत्व गर्ने सहमतिको आधारमा भट्टराई सहित १३ जना कार्यसमितिमा निर्विरोध निर्वाचित भएका हुन् ।
बारमा निर्वरोध निर्वाचित कार्यसमितिका पदाधिकारीहरुलाई आज पदस्थापना कार्यक्रमको आयोजना गरिएको सुनसरी जिल्ला बार एशोसिएसन इनरुवाले जनाएको छ ।
सुनसरी जिल्ला बार एशोसिएसन इनरुवाको उपाध्यक्षमा अधिवक्ता कर्ण बहादुर राई(दर्शन), सचिवमा अधिवक्ता विरेन्द्र प्रसाद गौतम, कोषाध्यक्षमा अधिवक्ता पञ्चदेव मेहता र सह–सचिव महिलामा अधिवक्ता मिना काफ्ले निर्विरोध निर्वाचित भएका हुन् ।
त्यसैगरी सदस्यहरुमा अधिवक्ता अवइन्द्र निरौला, अधिवक्ता निराजन ओझा, अधिवक्ता पर्शुराम अधिकारी, अधिवक्ता बसन्त सुवेदी, अधिवक्ता भवानी प्रसाद धमला, अधिवक्ता मान भगत चाम्लिङ्ग, अधिवक्ता राजेन्द्र प्रसाद कोइराला र अधिवक्ता सौदागर साह निर्विरोध चयन भएका हुन् ।
फाल्गुन ७ गते हुने भनिएको सुनसरी जिल्ला बार ईकाइको निर्वाचनमा चाहिने पद संख्या भन्दा बढि मनोनयन दर्ता नभएकोले निर्वाचन हुने मिति भन्दा ५ दिन अगाबै अर्थात फागुन २ गते सोमवार अध्यक्ष सहित ५ जना पदाधिकारी, ८ जना कार्यसमिति सदस्य र १२ जना केन्द्रीय पार्षदहरुको नामावली निर्वाचन समितिले निर्विरोध निर्वाचित भएको घोषणा गरेको छ ।
