गनेश कुमार यादव
इनरुवा । सुनसरीको इनरुवामा रक्तदान गरी ७२ औं प्रजातन्त्र दिवस मनाइएको छ ।
इनरुवा अस्पताल,जिल्ला प्रशासन कार्यालय सुनसरी र नेपाल रेडक्रस सोसाइटी इनरुवा उप–शाखाको आयोजना तथा सहयात्री मञ्च सुनसरीको सहकार्यमा शनिबार ७२ औं प्रजातन्त्र दिवसको अवसरमा रक्तदान कार्यक्रम सम्पन्न गरेको हो ।
शनिबार इनरुवा अस्पतालको परिसरमा सो रक्तदान सम्पन्न भएको होे । उक्त कार्यक्रममा इनरुवा अस्पतालका कर्मचरी,नेपाल प्रहरी,सशस्त्र प्रहरी लगायत आम सर्वसाधारणले रक्तदान गरेका थिए । रक्तदानमा जम्मा २५ पिन्ट रगत संकलन गरेको अस्पतालले जनाएको छ । उत्त कार्यक्रममा अस्पतालमा सरसफलाई समेत गरिएको थियो ।
कार्यक्रममा इनरुवा नगरपालिकाका प्रमुख राजन मेहताले शुभकामना मन्तव्य राख्दै ‘कतार च्यारेटी ट्रष्ट नेपाल संग सहकार्य गरेर ३६ लाखको मेसिनरी सामाग्री इनरुवा अस्पताललाई उपलब्ध गराएको र १७ लाख बराबरका अटो एनलाईजर मेसीन ३ दिन भित्र अस्पतालमा उपलब्ध गराउने बताए ।
उनले भने,‘मैले इनरुवा अस्पताको सर्वपक्षिय बिकाशको लागी मैले कहिले पनी पछाडि नहटेको र आफ्नो क्षमता र ओहदा र दर्जाले भ्याएसम्म विकासको गतिविधिलाई अघि सारेको उनले बताए । विकासको वाधक नभई देश र जनताको सेवामा समर्पित रहेको उनको भनाई छ । तर यहाँ सिस्टमको अभावले गर्दा कठिनाई आयो र अहिले त्योपनी हट्दैछ ।, अस्पताललाई व्यवस्थित तरिकाले सञ्चालन गर्न सबै आफ्नो तहबाट लाग्नुपर्छ ।,
त्यसैगरी इनरुवा अस्पतालका मेडिकल सुपरिडेन्टेन्ट ९मेसु० डा।देवराज घिमिरेले राजनीतिक दलदेखी आम सर्बसाधारणले आफुलाई सहयोग गरिरहेकोले काम गर्न सहज भएको बताए । उनले भने,‘यो अस्पताल सुध्रीरहेको छ र सुध्रीन्छ ।बिगतको केही महिनामा अस्पतालमा निकै सुधार आएको छ ।’
कार्यक्रममा प्रमुख अतिथी नेपाली काँग्रेसका केन्द्रिय सदस्य राजिव कोइरला,बिशिष्ट अतिथी राजन मेहता,सुनसरीका प्रमुख जिल्ला अधिकारी इन्द्रदेव यादव,स्वास्थ्य प्रमुख सागर प्रसाई,नेपाली काँग्रेस सुनसरीका सभापती केदार भण्डारी, सचिव बिरेन्द्र साह,नेकपा एमालेका नेता खेमराज पोखरेल,इनरुवा न।पा वडा नं–१ का वडाअध्यक्ष रामचन्द्र पोदार लगायतको उपस्थिती रहेको थियो ।
जिल्ला समन्वय समितिका अध्यक्ष गोपालराज भण्डारीको अध्यक्षतामा सो कार्यक्रम सम्पन्न भएको थियो ।
