इनरुवा । नेपाल पत्रकार महासंघका केन्द्रीय सदस्य इकवाल अहमदको नेतृत्वमा अल्पसंख्यक क्षेत्र पत्रकार हित विभाग गठन भएको छ । नेपाल पत्रकार महासंघ केन्द्रिय समितिको चौथो पूर्ण बैठकले पत्रकारिताको विकास र पत्रकारहरूको हित अभिवृद्धिका लागि अल्पसंख्यक क्षेत्र पत्रकार हित विभागसँगै २२ वटा विभाग गठन भएको हो ।
इनरुवामा दुई दशकभन्दा बढी समयदेखी पत्रकारीता गर्दै आएका अहमदले नेपाल पत्रकार महासंघले दिएको जिम्मेवारी इमान्दारिताका निर्वाह गर्ने प्रतिवद्धता व्यक्त गरेका छन् । मुलुकभरका अल्पसंख्यक, सिमान्कृत समुदायका पत्रकारहरुको हक हतिका लागि आवाज उठाउने समेत उनले बताए ।
नेपाल पत्रकार महासंघ अन्तरगत गठन भएको २२ वटा मध्ये अल्पसंख्यक क्षेत्र पत्रकार हित विभागको जिम्मेवारी निर्वाह गर्दै सरकारद्वारा संचालित सरकारी मिडियाहरुमा अनिवार्य रुपमा अल्पसंख्यक र सिमान्कृत समुदायका पत्रकारहरुलाई उपस्थिती गराउनुपर्नेमा उनले जोड दिए ।
आर्थिक विकास र स्तर बृद्धिका लागि राज्यले विशेष कार्यक्रम ल्याउनुपर्ने समेत उनले बताए । अल्पसंख्यक र सिमान्कृत पत्रकारहरुको समस्या पहिचान गरी समस्या समाधान गर्न नेपाल पत्रकार महासंघ कठिवद्ध रहेको केन्द्रीय सदस्य अहमदले बताए ।
केन्द्रीय सदस्य अहमदले आफूलाई महासंघले विश्वास गरेर अल्पसंख्यक पत्रकारहरुको हित विभागको प्रमुख बनाएकोले अल्पसंख्यक र सिमान्तकृत पत्रकारहरुलाई अगाडी बढाउन र पछि परेकाहरुलाई मुलधारमा ल्याउनका लागि अहम भुमिका रहने समेत बताए । उनीहरुलाई सरकारी मिडियामा रोजगारीको अवसर सिर्जना गर्नका लागि आप्mनो ठुलो योगदान रहने समेत उनको भनाई छ ।
