इनरुवा । सुनसरीको इनरुवा नगरपालिका–९ बवियाको स्वास्थ्य चौकीलाई कतार च्यारेटीको सहयोग तथा हिदायत ऐजुकेशनल एण्ड वेलफेयर ट्रष्ट नेपालको आयोजनामा तीन वटा शौचालय निर्माण कार्य सम्पन्न गरी मंगलवार साँचो हस्तान्तरण गरेको छ ।
इनरुवा–९ बवियाको स्वास्थ्य चौकी कार्यालयमा एक कार्यक्रमको आयोजना गरी हिदायत ऐजुकेशनल एण्ड वेलफेयर ट्रष्ट नेपालले सो स्वास्थ्य चौकीलाई साँचो हस्तान्तरण गरेको हो । इनरुवा–९ बविया स्वास्थ्य चौकी कार्यालय भित्र सुविधा सम्पन्न खानेपानीको समेत व्यवस्था गरेको छ । कतार च्यारेटीको सहयोग र हिदायत ऐजुकेशनल एण्ड वेलफेयर ट्रष्ट नेपालको आयोजनामा सो स्वास्थ्य चौकीमा धारा सहितको खानेपानी र सुविधा सम्पन्न शौचालयको निर्माण कार्य सम्पन्न गरिएको हो ।
हिदायत ऐजुकेशनल एण्ड वेलफेयर ट्रष्ट नेपालका अध्यक्ष मौलाना हारुन खाँले बविया स्वास्थ्य चौकीमा सेवा लिन आउने सेवाग्राहीहरुलाई शौच गर्न समस्यालाई अन्त्य गर्नका लागि शौचालय सहित खानेपानीको व्यवस्था मिलाएको बताए । स्वास्थ्य जस्तो ठाउँमा राम्रो शौचालय र खानेपानीको सुविधा नभएर ट्रष्टले व्यवस्था गरिएको उनले बताए । सुनसरीको बिभिन्न ठाउँमा स्वास्थ्य, शिक्षा र स्वरोजगारको क्षेत्रमा काम गदैै आएको ट्रष्टले बवियाको स्वास्थ्य चौकीलाई आगामी दिनमा एम्बुलेन्स दिने प्रावधान मिलाउन आफु लागि परेको बताए ।
त्यसैगरी इनरुवा–९ बवियाका वडाध्यक्ष बसिरमुद्धिन मंसुरीले ट्रष्टले गरेको उदाहरणीय काम भएको प्रंशसा गरेका छन् । स्वास्थ्य चौकीमा शौचालय सहितको खानेपानीले आउने बिरामीहरुलाई सहज भएको बताए । आगामी दिनमा पनि सहयोग गरी स्वास्थ्य चौकीलाई एम्बुलेन्सको व्यवस्था मिलाउन आग्रह समेत उनले गरे । ट्रष्टले बवियामा स्वास्थ्य, शिक्षा र खानेपानी क्षेत्रमा धेरै काम गरेको उनले बताए ।
कार्यक्रममा हिदायत ऐजुकेशनल एण्ड वेलफेयर ट्रष्ट नेपालका कार्यक्रम संयोजक हजरत हुसेन, स्वास्थ्य चौकी बवियाका कर्मचारीहरु, संचारकर्मीहरु लगायतको सहभागितामा शौचालयको साँचो हस्तान्तरण गरेका थिए ।
