भण्टाबारी । कोशी गाउँपालीका ८ स्थित भण्टाबारीमा युवाहरूलाई नेतृत्व विकास तालिम सम्पन्न भएको छ । कोशी गाउँपालीका ८ भण्टाबारीस्थित रहेको मदरसा दारुसलाम भण्टाबारीको प्राङ्गणमा कोशी गाउँपालीकाको सहयोग एवं जिल्ला प्रहरी कार्यालय सुनसरीको सहकार्यमा जनसम्पर्क मिडिया प्रालिले आयोजना गरेको एकदिने युवाहरूलाई नेतृत्व विकास तालिम बुधबार सम्पन्न भएको हो ।
कोशी गाउँपालीका वडा नम्बर ८ का वडाध्यक्षको प्रमुख आतिथ्यमा आयोजित सो कार्यक्रममा युवाहरूलाई जिल्ला प्रहरी कार्यालय सुनसरीका प्रमुख एसपी संजयसिंह थापाले सीमावर्ती क्षेत्रको वर्तमान सामाजिक अवस्था, लागूऔषध सेवन,ओसारपसार एवं कारोबार त्यसबाट पर्ने असर र बच्ने उपाय, साइबर अपराध र ट्राफिक नियन्त्रणका बारेमा प्रशिक्षण दिएका थिए भने मानव अधिकार संजाल सुनसरीका संयोजक रमेश भट्टराईले नेतृत्व विकासका बारेमा प्रशिक्षण दिए । सोही कार्यक्रममा सामाजिक क्षेत्रका अग्रसर रहेका भोक्राहा नरसिंह गाउँपालीकाका बेलाल अन्सारीले युवाहरूलाई नेतृत्व गर्न आवश्यक पर्ने तत्त्वका बारेमा आफ्ना अनुभव शेयर गरेका थिए ।
समाज देखिएको सामाजिक विकृति न्यूनीकरण तथा नियन्त्रण गर्न युवावर्ग अहम् भूमिका हुने भएकाले उनीहरूलाई लक्षित गरेर नेतृत्व विकास तालिम आयोजना गरिएको कोशी गाउँपालीकाका सामाजिक शाखा प्रमुख राजकिशोर मेहताले जानकारी दिए ।
युवाहरूलाई सामाजप्रति जिम्मेवार बनाउदै उनीहरूका हकअधिकार र दायित्वका बारेमा गाउँपालीकाले सामाजिक विकास अन्तर्गत कार्यक्रमहरु निरन्तर आयोजना गर्दै आएको उनको भनाइ छ ।
उक्त कार्यक्रममा कोशी गाउँकार्यपालीका सदस्य सर्जुग सरदार, स्थानीय दिलजान आलम, सादिस आलम,सितोश दास,मासुम राजा, अब्दुल रज्जाक, ओसिम आलम, शाहिद आलम, सहवाज आलम, तन्विर आलम,अबु तलहा, स्थानीय संचारकर्मी सज्जाद आलम, पप्पु यादव,सीमा प्रहरी चौकी भण्टाबारीका इन्चार्ज सई नागेश्वर थानदार, मदरसा दारुसलाम भण्टाबारीका मौलाना प्रवेज आलम,मास्टर ओली महम्मद, ऐजाज अली, नाजिर आलम, कासिम आलम,सैनुल हक ऐहसान खान,सिबुतुल्लाह मियाँलगायतका ६५ जनाबढीको उपस्थिति रहेको थियो ।
