इनरुवा । नेकपा एकिकृत समाजवादी निकट सुनसरीका कानून व्यवसायीहरु समाजवादी लर्यस एशोसिएशन एसएलएमा आवद्ध भएका छन ।
बुधवार सुनसरी जिल्ला अदालत इनरुवामा कार्यरत रहेका ५० भन्दाबढी कानून व्यवसायीहरुको भेलाले अघिवक्ता नवराज आचार्यको अध्यक्षतामा २१ जनाको कार्यसमिती बनाएको हो ।
समाजवादी लर्यस एशोसिएशन एसएलएको अध्यक्षमा अधिवक्ता नवराज आचार्य, सचिवमा अधिवक्ता महेश श्रेष्ठ चयन भएका हुन ।
भेलाबाट एशोसिएशनको कार्य समिति सदस्यहरुमा अघिवक्ता बसन्त सुवेदी, अधिवक्ता रामनारायण साह, अधिवक्ता रतनकुमार श्रेष्ठ, अधिवक्ता सुर्यबहादुर बस्नेत, अधिवक्ता विनोदकुमार रिजाललगायत रहेका छन ।
निरन्तर रुपमा कानुनी क्षेत्रमा रहेर वकालत पेशा गरिरहेका कानुन व्यसायीहरुले अन्य राजनितिक दल भन्दा विधि मुल्य मान्यता र संविधान कानुनको रक्षाका लागि नेकपा एसका नेता कार्यकर्ताहरु प्रतिवद्ध रहेकाले समाजवादी लर्यस एशोसिएशनमा आवद्ध भएको जनाएका छन ।
भेलामा नेकपा एसका नेता शम्भुप्रसाद आचार्य, केन्द्रीय प्रतिनिधि परिषद सदस्य सागर तिम्सिना, नवनिर्वाचित अध्यक्ष नवराज आचार्य, सचिव महेश श्रेष्ठ, सदस्य बसन्त सुवेदी लगायतले बोलेका थिए ।
पेशागत हकहित र अधिकारका लागि समाजवादी लर्यस एशोसिएशनले राष्ट्रिय सम्मेलनपछि सुनसरी जिल्लामा आफ्नो संगठनमार्फत कानून व्यवसायीका पक्षमा योजना बनाएर कार्य गर्ने जनाइएको छ ।
