इनरुवा । नेपाल विद्यार्थी संघका पुर्व केन्द्रिय सदस्य तथा नेपाली कांग्रेस सुनसरी क्षेत्र नम्बर–४ बाट निर्वाचित भएका केन्द्रिय महाधिवेशन प्रतिनिधि डाक्टर अबुल हुसेनले देउवा टिम चुकेकोले भोक्राहा नरसिंह गाउँपालिकाको सभापति पद गुमाउन पुगेको बताए ।
नेपाली कांग्रेस भोक्राहा नरसिंह गाउँपालिकामा नवनिर्वाचितहरु सम्मान कार्यक्रमलाई सम्वोधन गर्दै डाक्टर हुसेनले देउवा समुहको टिम चुकेकाले नेतृत्व गुमाउन पुगकोले अगामी दिनमा सर्तक भएर संगठनमा नेता तथा कार्यकर्ताहरुलाई आवद्ध गर्नुपर्ने बताएका हुन ।
भोक्राहा नरसिंह गाउँपालिकामा नेपाली कांग्रेसको १४ औं महाधिवेशनमा दुई समुहबीच प्रतिस्पर्धाको लडाई हुँदै आएपनि सम्पन्न अधिवेशनबाट कोइराला पक्षका युवराज दाहालले सभापति पदमा निर्वाचित भएकोले डाक्टर हुसेनले आक्रोस व्यक्त गर्दै टिमको विश्वास नगुमाउन आग्रह गर्दैै आउने सन्ततिहरुले दुःख भोग्ने बताए ।
देउवा समुह र कोइराला समुहबीच प्रतिस्पर्धा रहेपनि कोइराला पक्षले सभापति सहित अन्य पदमा बिजयी भएपछि कार्यक्रमका प्रमुख अतिथि हुसेनले टिमप्रतिको विश्वास गुमेको बताए । पालिकाका ६३ जनाले टिमलाई मतदान गर्ने हस्ताक्षर गर्दा पनि टिमको सभापति देव नारायण महतोलाई ५३ मत प्राप्त भई पराजित भएको हुदाँ टिमले अन्तरघात गरेकोले आगामी दिनमा यस्ता कार्य नगर्न समेत कांग्रेसका नेता तथा कार्यकर्ताहरुलाई उनले आग्रह गरे ।
देउवा पक्षका टिम असक्षमताका कारण नेतृत्वमा हार बेहोरेको उनले बताउँदै आउने दिनमा टिमप्रति वफादार भएर काम गर्न र पैसामा नबिक्नका लागि समेत अनुरोध गरे । भोक्राहा नरसिंह गाउँपालिकामा बहुमत हुदाँ हुँदै पनि सभापति पदमा पराजित हुनु लज्जास्पद कुरा भएको उनले बताए ।
सुनसरी क्षेत्र नम्बर–४ सँगै प्रदेश र जिल्लामा निर्वाचित भएका नेताहरुलाई बोक्ने प्रथालाई अन्त्य गरी सक्षम युवा नेतृत्ववर्गलाई अवसर प्रदान गर्नुपर्ने उनको कथन छ । कुनै पनि नेतालाई बोक्ने काम गर्नुको साट्टो आफै नेतृत्व गरी जनताको सेवामा अग्रसर हुन नेता तथा कार्यकर्ताहरु जागरुक्क हुनुपर्ने उनको कथन छ । वडा,पालिका, प्रदेश र क्षेत्र, जिल्लामा जितेका नेताहरुलाई बोक्ने काम बन्द गर्नुस् उनले भने, ‘अहिले सर्तक हुदाँ १५ औं महधिवेशनमा सक्षम नेतृत्व छनौट गर्न सहज हुनेछ ।’
भोक्राहा नरसिंह गाउँपालिकामा देउवा समुहबाट स्थानीय तहको निर्वाचनमा टिकट पाउने विश्वस्त रहेको डाक्टर हुसेनले बताउँदै टिकटका लागि आफुले खेल्ने भुमिका सदैव खेल्ने र देउवा समुहकै व्यक्तिले टिकट पाउने ठोकुवा समेत गरे । स्थानीय तहको निर्वाचनमा एकजुट भएर लाग्नुपर्ने र टिकट पाउने जोसुकैलाई सहयोग गर्नुपर्नेमा उनले जोड दिए ।
नेपाली कांग्रेस भोक्राहा नरसिंह गाउँपालिकाका पदाधिकारी सहित सदस्यहरुमा निर्वाचित भएकाहरुलाई बधाई ज्ञापन सँगै सम्मान गरिएको थियो । नवनिर्वाचितहरुलाई खादा र अबिर लगाई सम्मान गरिएको थियो ।
नेपाली कांग्रेस भोक्राहा नरसिंह गाउँपालिकाका सभापति पदमा पराजित देव नारायण महतोको अध्यक्षतामा कार्यक्रम सम्पन्न भएको थियो । कायत्र्रmमका विशिष्ट अतिथि नेपाल मुस्लिम संघ प्रदेश–१ का सभापति इसराईल मंसुरी, महाधिवेशन प्रतिनिधि राधिका कटुवाल, प्रदेश सभा ४(ख) का पुर्व सभापति हारुन अन्सारी, सुनसरी क्षेत्र नम्बर–४ का सचिव जुगेश्वर यादव र पुर्व सचिव राजेन्द्र मेहता लगायतकाले सम्मान गर्दै कार्यकालको सफलताको शुभकामना व्यक्त गरेका थिए ।
