हरिनगर । सुनसरीको हरिनगर गाउँपालिका–१ स्थित रहेको श्री विशाल मिथलेश्वर शिव मन्दिरमा मंगलबार महाशिवरात्री महोत्सव हुदैछ ।
मंगलबार शिवरात्रीको अवसरमा श्री विशाल मिथलेश्वर शिव मन्दिरमा कलश यात्राबाट जल अर्पण गर्ने बताइएको छ । नरसिंह घाटबाट जल भरी श्री विशाल मिथलेश्वर शिव मन्दिरमा जल अर्पण गर्ने बताइएको हो । शिवरात्रीको अवसरमा प्रत्येक वर्ष झै यस वर्षपनि श्री विशाल मिथलेश्वर शिव मन्दिरमा महाशिवरात्री महोत्सवको आयोजना गर्न लागिएको हो ।
श्री विशाल मिथलेश्वर शिव मन्दिर समिति र युवा समुह हरिनगर–१ रामनगर भुटाहाको आयोजनामा मंगलवार बिहान ७ बजे कलश यात्रा र दिउँसो १ बजे रथयात्रा निकालिने कार्यक्रम रहेको छ । श्री विशाल मिथलेश्वर शिव मन्दिर रामनगर भुटाहादेखी बासुकीनाथ मन्दिर हरिनगरासम्म रथयात्रा निकाल्ने आयोजकले जनाएको छ ।
हरिनगर वडा नम्बर–४ का वडाबासीहरुले राथयात्रा सहभागी हुने सम्पुर्ण भक्तजनहरुलाई भब्य स्वागत गर्ने भएका छन् । श्री बासुकीनाथ मन्दिर हरिनगरामा नौवाहा अष्टयाम प्रारम्भ हुने समेत मन्दिर समितिका अध्यक्ष रामनारायण मेहताले जनाएका छन् ।
