हरिनगर । उपयुक्त कृषि सहकारी संस्था लिमिटेड हरिनगर–४ ले शनिवार छैठौं साधारण सभा सम्पन्न गरेको छ । हरिनगर माध्यमिका विद्यालयमा उपयुक्त सहकारी संस्था लिमिटेडले एक कार्यक्रमका बीच छैठौं साधारण सभा सम्पन्न गरेको हो ।
उपयुक्त कृषि सहकारी संस्था लिमिटेड हरिनगर–४ का अध्यक्ष सहदेव मण्डलको अध्यक्षतामा सो साधारण सभा सम्पन्न भएको हो । संस्थाका अध्यक्ष मण्डलले आर्थिक प्रतिवेदन प्रस्तुत गरेका थिए भने सो संस्थाका लेखा संयोजक इन्द्रनारायण पंडितले लेखा परीक्षण प्रस्तुत गरेका थिए ।
सो संस्थाका अध्यक्ष मण्डलले आथिक वर्ष २०७७÷०७८ मा कुल आम्दानी तर्फ ६ लाख ७२ हजार ६ सय ४१ रुपैयाँ ५९ पैसा र खर्च तर्फ ४ लाख २७ हजार ४ सय ३० रुपैयाँ नौ पैसा भएको उनले प्रतिवेदन प्रस्तुत गर्दै उपयुक्त कृषि सहकारीले गत आर्थिक वर्षमा २ लाख ४५ हजार २ सय ११ रुपैयाँ मुनाफामा रहेको जानकारी दिए ।
छैठौं साधारण सभाका प्रमुख अतिथि हरिनगर गाउँपालिकाकी उपाध्यक्ष रिमझिम कुमारी भगत, बिशिष्ट अतिथि हरिनगर–४ का वडाध्यक्ष सुदीलाल मेहता, वडा सदस्य राजेश कुमार पाल, नेपाली कांग्रेसका जिल्ला सदस्य तथा नेपाल रेडक्रस सोसाइटी उपशाखा हरिनगरका अध्यक्ष कृष्णप्रसाद देव, नेपाली कांग्रेस सुनसरी ४ प्रदेश (ख) का उपसभापति शिवहरी श्रेष्ठ,नेकपा माओवादी हरिनगरका नेता भगवती महतो लगायतको सहभागिता रहेको थियो । उपयुक्त कृषि सहकारी संस्था लिमिटेड हरिनगर–४ का सदस्य अशोक कुमार साहले स्वागत मनतब्य व्यक्त गरेका थिए भने सुरेन्द्र कुमार रामले कार्यक्रम संचालन गरेका थिए ।
