इनरुवा । केही दिनयता देखी प्रारम्भिक बाल विकास केन्द्र(इसीडी)का सहयोगी कार्यकर्ताहरुको माग पुरा नभए नेकपा माओवादी केन्द्र इनरुवा नगर कमिटि सडकमा आउने चेतावनी दिएको छ ।
नेपाल कम्युनिष्ट पार्टी माओवादी केन्द्र इनरुवा नगर कमिटि सुनसरीले आइतवार एक प्रेस विज्ञप्ति जारी गर्दै प्रारम्भिक बाल विकास केन्द्र(इसीडी)का सहयोगी कार्यकर्ताहरुको माग पुरा गर्न इनरुवा नगर प्रमुख एवं कार्यपालिका सदस्यहरुले भुमिका निर्वाह नगरे माग पुरा गराउन नेकपा माओवादी केन्द्र सडकमा उत्रने चेतावनी दिएको हो ।
प्रेस विज्ञप्तिमा भनिएको छ, ‘इनरुवा नगरपालिका क्षेत्र भित्र संचालित प्रारम्भिक बाल विकास केन्द्र(इसीडी)का सहयोगी कार्यकर्ताहरुद्वारा नेपाल सरकारले आर्थिक वर्ष २०७८÷०७९ को वार्षिक बजेट नीति तथा कार्यक्रम मार्फत सहजकर्ताहरुको बृद्धि भएको तलब १५ हजार स्थानिय सरकार मार्फत उपलब्ध गराउने निर्णयलाई कार्यान्वयन गर्न बेवास्ता गरेकोले नेकपा माओवादी केन्द्र इनरुवा नगर कमिटिको ध्यानाकर्षण भएको छ ।
’ नौ महिनादेखी प्रारम्भिक बाल विकास केन्द्र(इसीडी)का सहयोगी कार्यकर्ताहरु तलब बृद्धिका लागि शान्तिपुर्ण आन्दोलन इनरुवा नगरपालिकाको परिसरमा पटक–पटक गर्दा पनि इनरुवा नगरपालिकाले कुनै वास्ता नगरेकाले उनीहरुको साथमा उभिएको विज्ञप्तिमा उल्लेख गरिएको छ ।
नेकपा माओवादी केन्द्र इनरुवा नगर कमिटि सुनसरीका अध्यक्ष तोयादेवी गिरी पौदार र सचिव मो.मोख्तार आलमद्वारा हस्ताक्षरित प्रेस विज्ञप्तिमा भनिएको छ,‘कोरोना महामारीबाट आक्रान्त भएको स्थितीबाट केही सहजता भएको अवस्थामा बालबालिकालाई नियमित पठनपाठन गराउनु पर्ने समयमा पठनपाठन छाड्ेर आप्mनो पारिश्रमिक प्राप्तिका लागि धर्नामा बस्नु रहन नभई बाध्यता नै हो ।’
पीडित सहजकर्ताहरुका जायज माग र मुद्दाको यथासिघ्र सम्वोधन गर्न नगर प्रमुख र कार्यपालिकाका सदस्यहरुलाई जारी प्रेस विज्ञप्ति माफर्त अनुरोध गरिएको छ । अन्यथा आन्दोलनरतसँगै सडकमा आउने र उक्त परिस्थितिबाट उत्पन्न हुने घटनाको जिम्मेवार स्वंय स्थानिय सरकार हुने समेत सो विज्ञप्तिमा उल्लेख गरिएको छ ।
