इनरुवा । सुनसरीको भोक्राहा नरसिंह गाउँपालिकाको ११ औं गाउँसभाको अधिवेशन कार्यक्रममा नेपाल सरकारका सहसचिव रामचरित्र मेहता सम्मानित भएको छ ।
भोक्राहा नरसिंह गाउँपालिकाका पुर्व प्रमुख प्रशासकीय अधिकृत रामचरित्र मेहतालाई भोक्राहा नरसिंह गाउँपालिकाले एक कार्यक्रमका बीच सम्मानित गरेको हो ।
भोक्राह नरसिंह गाउँपालिकामा २०७७ साल असार ५ गतेदेखी २०७८ साल माघ ४ गतेसम्म कार्यरत रही पालिकाको नीतिगत कानूनी आर्थिक, भौतिक, सामाजिक, सांस्कृतिक तथा व्यवस्थापकीय क्षेत्रमा कुशल प्रशासकको भुमिका निर्वाह गरेको र गाउँपालिकाको समग्र विकासको लागि आवश्यक योगदान पुर्याएको भन्दै मेहतालाई कदर पत्र सहित दोसल्ला ओढाएर भोक्राहा नरसिंह गाउँपालिकाका अध्यक्ष महेन्द्र प्रसाद यादवले सम्मान गरेका हुन् ।
भोक्राहा नरसिंह गाउँपालिकाको ११ औं गाउँ सभा अधिवेशनमा पालिकाभित्र निःशुल्क जग्गा दान गर्ने व्यक्तिहरुलाई समेत सम्मान गरेका छन् । पालिकाभित्र वडा कार्यालय र स्वास्थ्य चौकी निर्माणका लागि निःशुल्क जग्गादान गर्ने जग्गादाताहरुलाई समेत सम्मान गरिएको हो । भोक्राहा नरसिंह–१ का शिव नारायण मेहताले वडा कार्यालय भवन निर्माणका लागि निःशुल्क जग्गादान गरेको भन्दै पालिका अध्यक्ष यादवले सम्मान गरेका छन् ।
त्यसैगरी भोक्राहा नरसिंह–४ का जिवराज अन्सारीले पालिकाको वडा नम्बर–४ को वडा कार्यालय भवन निर्माणका जग्गा दान गरेको हुदाँ उनलाई समेत सम्मान पत्र सहित दोसल्ला ओढाएर अध्यक्ष यादवले ११ औं गाउँ सभाको अवसरमा सम्मान गरेका छन् ।
त्यसैगरी इनरुवा नगरपालिका–९ की सकुन्तला मेहताले भोक्राहा नरसिंह–१ को वडा कार्यालय भवन निर्माणका लागि निःशुल्क जग्गा दान गरेको हुदाँ उनलाई समेत ११ औं सभाको अवसरमा सम्मान पत्र सहित दोसल्ला ओढाएर सम्मान गरेका छन् ।
त्यसैगरी भोक्राहा नरसिंह–१ का कमलानन्द मेहताले वडा कार्यालय भवन निर्माणका लागि निःशुल्क जग्गा दान गरेका छन् । त्यसैगरी भोक्राहा नरसिंह–५ का हविव मन्सुरीले वडा नम्बर–५ को लागि वडा कार्यालय भवन निर्माण र १५ शैया अस्पताल निर्माणका लागि निःशुल्क जग्गादान गरेका छन् । जग्गादाताहरु मेहता र मन्सुरीलाई भोक्राहा नरसिंहको ११ औं गाउँसभाको अवसरमा सम्मान पत्र सहित दोसल्ला ओढाएर सम्मान गरेका हुन् ।
भोक्राहा नरसिंह गाउँपालिकाकी उपाध्यक्ष पुनम कुमारी मेहता, प्रमुख प्रशासकीय अधिकृत बाबुनन्दन मेहता, ८ वटै वडाका वडाध्यक्षहरु, कार्यपालिकाका सदस्यहरु, नेपाली कांग्रेस भोक्राहा नरसिंहका सभापति युवराज दाहाल, नेकपा भोक्राहा नरसिंहका अध्यक्ष रामकुमार मेहता, नेकपा माओवादी केन्द्र भोक्राहा नरसिंहका हेम नारायण मण्डल र जसपा भोक्राहा नरसिंहका अध्यक्ष महेन्द्र यादव लगायतकाहरुले समेत उनीहरुलाई सम्मान गरेका थिए ।
भोक्राहा नरसिंह गाउँपालिकाको ११ औं गाउँ सभा अधिवेशन शान्त वातावरणमा सम्पन्न भएको छ भने सो पालिकाको अन्तिम गाउँ सभा रहेको समेत पालिकाले जनाएको छ ।
