इनरुवा । सुनसरीको हरिनगर माध्यमिक विद्यालय हरिनगराको खेल मैदान सम्पन्न भएको प्रदेश १ स्तरीय एथलेटिक्स प्रतियोगिता सहभागिहरुलाई पुरस्कार वितरण गरेका छन् । हरिनगर गाउँपालिकाको आयोजनामा सोमवार सम्पन्न भएको प्रतियोगितामा बिजेताहरुलाई सिल्ड, मेडल र प्रमाण पत्र वितरण गरेका हुन् ।
तीन दिने प्रतियोगिता अन्तरगत पुरुषतर्फ १० हजार मिटर दौडमा भोजपुरका नविन तामांग प्रथम, झापाका मेघराज चामलिंग राई द्धितिय र इलामका विवेश राई तृतिय भएका छन् । त्यसैगरी महिलातर्फ १० हजार मिटर दौडमा भोजपुरकै छेम्वी माया राई प्रथम, संखुवासभाकी सुनकला राई द्धितिय र झापाकी भवानी कामती तृतिय भएका हुन् ।
त्यसैगरी पाँच हजार मिटर दौडमा पुरुषतर्फ भोजपुरका नविन तामांग प्रथम, झापाका मेघराज चामलिंग राई द्धितिय र मोरगंका अमर यादव तृतिय भएका छन् । त्यसैगरी महिलातर्फ पाँच हजार मिटर दौडमा भोजपुरकै छेम्वी माया राई प्रथम, संखुवासभाकी सुनकला राई द्धितिय र सुनसरीकी रुकमा उराँव तृतिय भएका हुन् ।
त्यसैगरी ज्यावलिंग थ्रो पुरुषतर्फ मोरगंका देवागं तामागं प्रथम, ओखलढुंगाका जीवन खड्का द्धितिय र सुनसरीका विश्व
श्रेष्ठ तृतिय भएका छन् । ज्यावलिंग थ्रो महिलातर्फ संखुवासभाकी मेनुका श्रेष्ठ प्रथम, सुनसरीकी असिता चौधरी द्धितिय र इलामकी आयुष्मा राई तृतिय भएकी हुन् । प्रदेश १ स्तरीय एथलेटिक्स प्रतियोगितामा ११ जिल्लाको सहभागिता रहेको थियो ।
हरिनगर गाउँपालिकाले बिभिन्न समयखण्डमा खेलकुद संचालन गर्दै आइरहेको बेला सुनसरीको दक्षिणवर्ती क्षेत्रको हरिनगर गाउँपालिकालाई खेलकुदको मार्फतबाट चिनाउने प्रयास स्वरुप प्रदेश १ स्तरीय एथलेटिक्स प्रतियोगिता गरिएको हरिनगर गाउँपालिकाका अध्यक्ष गफार अन्सारीले बताए ।
प्रदेश १ स्तरीय एथलेटिक्स प्रतियोगितामा सुनसरी, मोरङ्ग, झापा, इलाम, संखुवासभा, ओखलढुंगा, उदयपुर, सोलुखुम्बु, खोटाङ्ग, भोजपुर र धनकुटा जिल्लाका बालबालिकाहरु सहभागिता रहेको हरिनगर गाउँपालिकाका शिक्षा शाखाका अजित कुमार मल्लिकले जानकारी दिए ।
