इनरुवा । सुनसरीको इनरुवा–५ बलाहाका निवासी तथा अधिवक्ता मणिराज दुलालले आफ्नै घरमा ‘दुलाल ल फर्म’ संचालनमा ल्याएका छन् । मंगलवार आफ्नै घरमा एक कार्यक्रमको आयोजना गरेर ‘दुलाल ल फर्म’ विधिवत उद्घाटन गरी संचालनमा ल्याएका हुन् ।
कार्यक्रमका प्रमुख अतिथि नेपाली कांग्रेस सुनसरीका सभापति केदार भण्डारीले ‘दुलाल ल फर्म’ को नयाँ कार्यालय भवनको उद्घाटन गरेका थिए । कांग्रेस सुनसरीका सभापति भण्डारीले उद्घाटन कार्यक्रमलाई सम्वोधन गर्दै ‘दुलाल ल फर्म’ बिश्वविद्यालय भएको बताएका छन् ।
‘दुलाल ल फर्म’ का संचालक अधिवक्ता तथा समाजसेवी मणिराज दुलालको प्रयासले न्याय क्षेत्रमा सर्वसाधारणहरुले सहजता पाउने विश्वास व्यक्त गरे । आफनै घरमा छुट्टै भवन निर्माण गरी दुलाल ल फर्म संचालन गर्नु खुशीको कुरा भएको बताएका छन् ।
प्रमुख अतिथि भण्डारीले ‘दुलाल ल फर्म’ का संचालक मणिराज दुलाल अगामी दिनमा न्यायाधिश बनेर सुनसरीका जनतालाई सेवा गर्ने मौका पाउनेमा विश्वस्त रहेको उनले बताउँदै दुलाल ल फर्ममा कानूनका विद्यार्थीहरुलाई समेत सहयोग पुग्ने बताए । फर्ममा पुस्ताकालयको पनि व्यवस्था मिलाइएको समेत उनले बताए ।
डीएलए सुनसरीका अध्यक्ष समेत रहेका मणिराज दुलालले आफ्नै घरमा नयाँ भवन निर्माण गरी जनताको सेवामा समर्पित रहेकोले आगामी दिनमा फर्मबाट सेवा प्रवाह गर्ने समेत बताइएको छ ।
‘दुलाल ल फर्म’ नयाँ कार्यालय भवन उदघाटन कार्यक्रममा नेपाली कांग्रेस सुनसरीका सदस्यहरु ओम थापा र बालसुधार परियार, सुनसरी क्षेत्र नम्बर २ का सभापति लीलामणि सुवेदी , अधिवक्ताहरु लखन यादव, किशोर चौधरी, शम्भु भट्टराई, नेपाली कांग्रेसकी नेतृ बविता सुवेदी कोइराला , समाजसेवीहरु गनराज भट्टराई, राजन दाहाल, श्याम हरि भट्टराई, मोहि नारायण चौधरी, संचारकर्मीहरु कृष्ण भट्टराई जुनेली र टोमराज मेहता लगायतकाले शुभकामना व्यक्त गरेका थिए । युवा नेता अनिल पोखरेलले कार्यक्रम संचालन गरेका थिए ।
