इनरुवा । हरिनगर गाउँपालिकाका अध्यक्ष गफार अन्सारीले हरिनगर माध्यमिक विद्यालयको खेल मैदानमा कर्वड हल निर्माण हुने बताएका छन् । हरिनगर गाउँपालिकाका अध्यक्ष अन्सारीले संचारकर्मीहरुसँग कुराकानी गर्दै पालिकाको पायक पर्ने हरिनगर माविको खेल मैदानमा कर्वड हल निर्माण हुने बताएका हुन् ।
हरिनगर मावि हरिनगरामा खेल मैदान भएको ठाउँलाई स्त्तरोन्नित गर्दै कर्वड हल भवनको डीपीआर हुने कार्य जारी रहेकोले संघीय सरकार र बिदेशी संस्थाको सहयोग तथा हरिनगर गाउँपालिकाको सहकार्यमा कर्वड हल निर्माण हुने प्रक्रिया सुरु भएको उनले बताए ।
हरिनगर–४ स्थित हरिनगर माध्यमिक विद्यालयको खेल मैदान जिर्ण अवस्थामा रहेकोले पालिकाले मध्यनजर गर्दै कर्वड हल निर्माणका लागि आफुले पहल गरिरहेको बताउँदै बालबालिकाहरुको सर्वाङ्गिण विकासका लागि कर्वड हलले मदत पग्ने समेत उनले बताए ।
हरिनगर गाउँपालिकाले विकासमा फड्को मारेकोले शिक्षा, स्वास्थ्य, कृषि र पुर्वाधार विकासमा समेत भुमिका निर्वाह गर्दै आएकोले खेलमैदानमा कर्वड हल निर्माण गरी सुनसरीको दक्षिणी भेगको पहिचानलाई कायम गर्न आफु काम सुरु गरेको अध्यक्ष अन्सारीको भनाई छ ।
सुनसरीको दक्षिणवर्ती क्षेत्रमा खेलकुदलाई प्राथमिकता दिएर काम कसैले पनि अगाडी नबढाएकोले हरिनगर गाउँपालिकाले सबै क्षेत्रमा ध्यान दिएर कर्वड हल निर्माण गर्ने तयारीमा जुटेको उनले बताए । उनले भने, ‘हरिनगर गाउँपालिकालाई खेलकुदको माध्यमबाट राष्ट्रिय र अन्तरराष्ट्रिय जगतमा चिनाउने प्रयास गर्छु । प्रत्येक वर्ष हरिनगर गाउँपालिकाभित्र रहेका सामुदायिक, निजी, धार्मिक र गुठी विद्यालयमा अध्ययनरत बालबालिकाहरुलाई खेलकुद माफर्त शारीरिक विकासमा ध्यान पुर्याएको छु ।’ भौतिक पुर्वाधार विकासले मात्र नभई खेलकुदले पनि पालिकाको गौरव बढ्ने भएकाले बिभिन्न खेलकुद प्रतियोगिता गर्दै आएको छु, ‘उनले भने ।’
हरिनगर माविमा हर्वड हल निर्माण भएपछि राष्ट्रिय र अन्तरराष्ट्रिय स्तरको खेलकुद प्रतियोगिताले पालिकाको पहिचान र गौरव बढ्ने उनले बताउँदै स्थानीय खेलाडीहरुलाई प्रोत्साहन गर्दै पालिकाले खेलाडी उत्पादन समेत गर्ने बताए । स्थानीय खेलाडीहरुले आ–आफनो प्रतिभा देखाएर राष्ट्रिय स्तरका प्रतियोगितामा सहभागि हुने मौका पाउने र रोजगारको मार्फत आफनो जीविको पार्जन गर्न सहज हुने अध्यक्ष अन्सारीले बताए ।
कर्वड हल निर्माण भएपछि हरिनगरा बजारका व्यापारीहरुको समेत आय स्तरमा बृद्धि हुने भएकाले सुनसरीको दक्षिणवर्ती क्षेत्रको शान र मर्यादा मुलुकभर बढ्ने उनले बताए । हरिनगर गाउँपालिका तथा आसपास क्षेत्रका खेल क्षेत्रमा रुची राख्ने युवाहरुले खेलकुद क्षेत्रलाई व्यवसायिक बनाई रोजगार सिर्जना गर्ने अवसर समेत भएकाले आउने दिनमा तयारीमा जुटनुपर्ने उनको कथन छ ।
कर्वड हल निर्माणका लागि सरकारले स्वीकृती गरिसेकेकोले चाँडो भन्दा चाडो निर्माण निर्माण प्रक्रिया सुरु गर्नेछ । खेलकुद मैदान नभएका कारण बालबालिका र युवाहरुलाई समस्या भएकोलाई पालिकाले मध्यनजर गर्दै कवर्ड हलको अवधारणा ल्याई निर्माण प्रक्रिया सुरु गर्ने तयारीमा समेत जुटेको छ । खेलकुदको माध्यमबाट शान्ति, समृद्धिका लागि समेत मदत पुग्नेछ ।
