इनरुवा । नेपाली कांग्रेसमा परित्याग गरी इनरुवा–२ का अख्तर खान नेकपा एमाले प्रवेश गरेका छन् । नेपाली कांग्रेसमा आवद्ध रहेका खान बुधवार साँझ नेकपा एमाले प्रवेश गरेका हुन् । नेकपा एमालेका युवा नेता मनोज मेहताको नेतृत्वमा इनरुवा–२ का अख्तर खान नेकपा एमाले प्रवेश गरेका हुन् ।
नेकपा एमाले सुनसरीले पार्टी प्रवेश गराउने अभियान अन्तरगत बुधवार साँझ इनरुवा–२ का युवा खानलाई प्रवेश गराएका हुन् । नेपाली कांग्रेस इनरुवा–२ का क्षेत्र प्रतिनिधि समेत रहेका खानले एक्कासी नेपाली कांग्रेस परित्याग गरी नेकपा एमालेमा प्रवेश गरेको जनाएका छन् ।
नेकपा एमालेको संगठन विस्तारमा लागेका युवा नेता मनोज मेहताले इनरुवा नगरपालिकाको १० वटै वडामा पार्टीको संगठनलाई सुदृढिकरण अभियानलाई जारी राख्दै युवाहरुलाई नेकपा एमालेमा प्रवेश गराउने कार्यलाई निरन्तरता दिदै आएका हुन् ।
२०७९ बैशाख ३० गते स्थानिय तहको निर्वाचनको मिति घोषणा भएकाले चुनावलाई लक्षित गर्दै नेकपा एमालेका युवा नेता मनोज मेहताले टोल समिति विस्तारसँगै पार्टी प्रवेश गराउने कार्यलाई निरन्तरता दिदै नेकपा एमालेको संगठनलाई मजबुत बनाउने कार्यमा जुटेको बताएका छन् ।
इनरुवा–२ का अख्तर खानलाई नेकपा एमालेमा प्रवेश गराई अबिर र माला लगाई पार्टीमा स्वागत गरेका छन् । युवा नेता मेहताले नवप्रवेशी खानलाई पार्टीमा अबिर र माला लगाएर स्वागत गरेका हुन् । नेकपा एमाले सुनसरीका सदस्य बिश्वनाथ ठाकुर, नेपाल निजामति कर्मचारी संगठनका चिनेश्वर मेहता, नेकपा एमालेका नेता जितेन्द्र यादव लगायतकाले नवप्रवेशी खानलाई अबिर लगाएर स्वागत गरेका थिए ।
