इनरुवा । नेपाली कांग्रेस सुनसरीले सुरु गरेको ‘घर घर जाऔं, कांग्रेस जिताऔं’ अभियानलाई निरन्तरता दिदै सुनसरीको बराहक्षेत्र नगरपालिका र भोक्राहा नरसिंह गाउँपालिकाका नेता तथा कार्यकर्ताहरुलाई अभियानका बारेमा अन्तरक्रिया सम्पन्न गरेको छ ।
नेपाली कांग्रेस सुनसरीले सुरु गरेको एक महिने अभियानलाई निरन्तरता दिदै पालिकाहरु प्रवेश गर्दै स्थानीय तहको निर्वाचनमा कांग्रेसलाई निर्वाचित गराउने उद्देश्यले ‘घर घर जाऔं, कांग्रेस जिताऔं’ अभियानलाई तिब्रता दिदै अन्तरक्रिया सम्पन्न गरेको छ ।
नेपाली कांग्रेस सुनसरीले वडामा खटिएका जिल्ला प्रतिनिधि, वडा सभापति, पालिका सभापति र पदाधिकारी संग शनिवार वराहक्षेत्र नगरपालिका र भोक्राहा नरसिंह गाउँ पालिकामा ‘घर घर जाऔं, कांग्रेस जिताऔं’ अभियानका बारेमा छलफल एवं अन्तरक्रिया सम्पन्न गरेको नेपाली कांग्रेस सुनसरीका सचिव वीरेन्द्र साहले जनाएको छ ।
नेपाली कांग्रेस सुनसरीका सचिव साहका अनुसार सुनसरीमा फागुन २९ गतेदेखी सुरु भएको अभियान चैत्र २९ गतेसम्म ‘घर घर जाऔं, कांग्रेस जिताऔं’ अभियानमा जनतालाई बुझाउन नेता तथा कार्यकर्ताहरु घरदैलौमा पुग्ने गरेको छ । आगामी २०७९ साल बैशाख महिना ३० गते हुने स्थानिय तहको निर्वाचनमा मतदानमा सहभागी भई आफनो लोकतान्त्रिक अधिकार प्रयोग गर्ने र मतदाताहरुलाई अपील गर्दै निर्वाचनको माहोल तयार पार्न अन्तरक्रियाले सहयोग पुग्ने उनले बताए ।
नेपाली कांग्रेसलाई बिजयी बनाउन वडा र टोल तहसम्म पार्टीभित्र सौहार्दता, एकता, र उर्जा अभिबृद्धि गराउने र कांग्रेसका उम्मेदवारहरुलाई बिजयी गराउन मतदाताहरुलाई अपिल गर्ने कुराहरु अन्तरक्रियामा छलफल भएको थियो ।
सो अभियानले स्थानिय निर्वाचन। प्रचार प्रसार, परिचालन र घोषणा पत्र लगायतका समितिहरु वडा र टोलमा गठन गर्ने, चुनावी रणनीति तयार गर्ने र गराउने, जनतासँग विकास संवाद अन्तरगत जन अपेक्षा र आवश्यकता अनुरुप बाटो, कल्र्भट, कज्वे, तटवन्ध वा अन्य कुनैपनि स्थानिय विकासको विषयमा स्थलगत रुपमा संवाद गर्ने लगायतका विषयहरुमा छलफल भएको थियो ।
कार्यक्रममा कांग्रेस सुनसरीका उपसभापति पंकज महतो, सचिव वीरेन्द्र शाह र पालिका सभापतिहरु, बराहक्षेत्रका रमेश अधिकारी, भोक्राहा नरसिंहका युवराज दाहाल, जिल्ला सदस्य कृष्ण प्रसाद मेहता लगायतको उपस्थिति रहेको थियो ।
