इनरुवा । बहिरा हित तथा संरक्षण समाज इनरुवा सुनसरीको आयोजना र इनरुवा नगरपालिका आर्थिक सहयोगमा ४५ दिने नेपाली सांकेतिक भाषा तालिम सम्पन्न भएको छ ।
“सांकेतिक भाषाका साथ सबै जनाको समावेशीकरण” भन्ने नाराका साथ ४५ दिने नेपाली सांकेतिक भाषा तालिम सम्पन्न भएको हो । दोभाषेहरुलाई ४५ दिने नेपाली सांकेतिक भाषा सम्वन्धी तालिमबाट सहजता भएको र कसैसँग पनि सांकेतिक भाषामा कुरा गर्न कुनै अप्ठयारो नलाग्ने बहिरा हित तथा संरक्षण समाज इनरुवाका अध्यक्ष मो.अरसद मियाँले जानकारी दिएका छन् । इनरुवा नगर क्षेत्रभित्र रहेका दोभाषेहरुलाई नेपाली सांकेतिक भाषामार्फत बोल्नमा दक्ष बनाउनका लागि डेढ महिने तालिमबाट परिपक्क बनाएको उनले बताए ।
बहिरा हित तथा संरक्षण समाज इनरुवा सुनसरीको आयोजना र इनरुवा नगरपालिका मिति २०७८/०९/१० गते देखि २०७८/११/२६ गतेसम्म तालिममा १५ जनाको सहभागीता रहेको थियो । बहिरा हित तथा संरक्षण समाज सुनसरीका अध्यक्ष मो. अर्शद मियाँको अध्यक्षतामा सम्पन्न भएको सो समापन कार्यक्रममा इनरुवा नगरपालिकाकी उपप्रमुख जमुना गौतमको प्रमुख अतिथि रहेकी थिइन् ।
तालिम समापन कार्यक्रममा बहिरा वरिष्ठ प्रशिक्षक सुजिता शर्माले इनरुवामा रहेका बहिरा ब्यक्तिहरुलाई सञ्चार क्षमता अभिबृद्धी हुने बिश्वास ब्यक्त गरेकी थिईन् । शर्माले ४५ दिनेसम्म १५ जनालाई सहजीकरण गरेका थिईन् । त्यसैगरी इनरुवा नगरपालिकाकी उपप्रमुख जमुना गौतमले बहिरा हित तथा संरक्षण समाजको प्रशंसा गर्दै यस्ता तालिमहरुलाई निरन्तरता दिन समेत आग्रह गरेकी थिईन् ।
