इनरुवा । नेपाली कांग्रेस सुनसरी क्षेत्र नम्बर–४ को कार्यसमितिको बसेको बैठकले २१ जनालाई मनोनित गरेको छ । नेपाली कांग्रेस सुनसरी क्षेत्र नम्बर–४ को बिहीवार बसेको बैठकले सुनसरी क्षेत्र नम्बर ४ का २१ जनालाई मनोनित गरेको हो ।
नेपाली कांग्रेसको १४ औं महाधिवेशनमा सुनसरी प्रतिनिधि सभा क्षेत्र नम्बर–४ को सभापति पदमा ऐयुव अन्सारीसँग पराजित भएका भोक्राहा नरसिंह–२ का जमिल अख्तर आजाद मियाँलाई नेपाली कांग्रेसको विद्यान अनुसार क्षेत्रीय कार्यसमितिको बैठकले सदस्य पदमा मनोनयन गरेको छ ।
नेपाली कांग्रेस सुनसरी क्षेत्र नम्बर–४ का क्षेत्रीय सभापति ऐयुव अन्सारीको सभापतित्वमा बसेको बैठकले उपबिजेता अख्तर मियाँलाई मनोनयन र अरुलाई क्षेत्रीय सदस्यमा मनोनित गरेका छन् ।
सो बैठकले बराहक्षेत्र ७ का दिब्यश्वरी प्रसाई, बराहक्षेत्र ६ की दुर्गा देवी खरेल, इनरुवा ८ की लक्ष्मी दाहाल, इनरुवा ३ की सुशिला थापा बस्नेत, इनरुवा ३ की बिन्दु बराल, बराहक्षेत्र– ६ की कल्पना कार्की, भोक्राहा नरसिंह–४ का हाजी इसराईल मंसुरी, हरिनगर ५ बसन्तपुरका पुर्णराज यादव, इनरुवा ८ की मिरा देवी मण्डल, इनरुवा ३ का धिरज भट्टराई, इनरुवा ३ का विश्व ढुगांना, कोशी–७ का भागेश्वर यादव, रामधुनी–४ का मनेश चौधरी, भोक्राहा नरसिंह–४ की ममता कुमारी उराँव, हरिनगर–५ का हिरालाल मेहता, कोशी–८ का उसमान मंसुरी, इनरुवा ८ का तारकेश्वर मण्डल, कोशी–२ बाबुनन्द यादव, इनरुवा–८ का चेत बहादुर कार्की(बाबुराम), इनरुवा–३ की जमुना गौतम पोखरेल, भोक्राहा नरसिंह–७ की अन्जु मेहतालाई नेपाली कांग्रेस सुनसरी क्षेत्र नम्बर–४ को क्षेत्रीय कार्य समितिको सदस्यमा मनोनित गरिएको क्षेत्रीय सचिव जुगेश्वर यादवले जानकारी दिएका छन् ।
