इनरुवा । सञ्चार तथा सूचना प्रविधि मन्त्री ज्ञानेन्द्र बहादुर कार्कीले नेपाली कांग्रेस पार्टीलाई लोकप्रिय र शक्तिशाली बनाउनु पर्ने बताएका छन् ।सुनसरीको हरिनगर गाउँपालिका वडा नम्बर–३ मा पार्टी प्रवेश कार्यक्रमलाई सम्वोधन गर्दै सञ्चारमन्त्री कार्कीले यसो बताएका हुन् ।
नेपाल सरकारले २०७९ साल बैशाख ३० गते स्थानिय निर्वाचनको मिति घोषणा गरेको हुदाँ नेपाली कांग्रेसलाई बिजयी बनाउनुपर्ने उनले बताए । स्थानिय तहको निर्वाचनमा नेपाली कांग्रेसलाई बिजयी बनाएर मुलुकमा पार्टीलाई शक्तिशाली बनाउनु पर्ने उनले बताए ।
सुनसरीको १२ वटै स्थानिय तहमा नेपाली कांग्रेसलाई जिताउनुपर्ने उनले जोड दिदै बैशाख ३० गते हुने स्थानिय तहको निर्वाचनबाट नेपाली कांग्रेस पार्टी शक्तिशाली र मजबुत बनाउनका लागि एकजुट हुनुपर्ने मन्त्री कार्कीको भनाई छ । सुनसरी सहित मुलुकभर नेपाली कांग्रेसको विकल्प नरहेको मन्त्री कार्कीले बताउँदै नेपाली कांग्रेसलाई स्थानिय तहको निर्वाचनमा कांग्रेसलाई बहुमतको साथ विजयी गराउनुपर्नेमा उनले जोड दिए ।
नेपाली कांग्रेसको नेतृत्वमा संविधान जारी भएको हुदाँ नेपाली जनताको भावना र अधिकारलाई संरक्षण गरेको उनले बताए । देशलाई समृद्धिको दिशातर्फ अगाडी बढाउने र आउने पुस्तालाई धनी बनाउने अभिलाषा रहेको उनले बताए । नेपाली कांग्रेसलाई स्थानिय तहको निर्वाचनबाट लोकप्रिय ,शक्तिशाली र सबैभन्दा ठुलो पार्टी बनाउन आवश्यक रहेको मन्त्री कार्कीको भनाई छ ।
नेपाली कांग्रेस पार्टी लोकप्रिय, शक्तिशाली र सबैभन्दा ठुलो पार्टी बनाएर आउने दश वर्षभित्र गरिबी र बेरोजगारी निवारणतर्फ अग्रसर हुने उनको कथन छ । नेपाली कांग्रेस पार्टीलाई स्थानिय, प्रदेश र संघीयमा जिताउने अभिभारा सबैको काँधमा रहेको हुदाँ पुरा गर्ने दायित्व हामी सबैको हो उनले भने, ‘नेपाली कांग्रेसलाई जिताउनुपर्छ । स्थानिय तहको निर्वाचनमो मिति नजिकिदै गएकोले जनताको घर–घरमा पुगेर कांग्रेसले गरेको विकासका बारेमा बताउनुपर्छ ।’
