इनरुवा । सरकारका प्रवक्ता एवम सञ्चार तथा सूचना प्रविधिमन्त्री ज्ञानेन्द्रबहादुर कार्कीले मिलेनीयम च्यालेञ्ज कर्पोरेसन(एमसीसी) परियोजना विकास परियोजना भएको बताउनुभयो ।
नेपाली काङग्रेस क्षेत्र नम्वर ४ सुनसरीले कोसी गाउँपालिकामा आयोजना गरेको ‘घर घर जाऔं काङग्रेस जिताऔं’ अभियान कार्यक्रमलाई शनिबार सम्बोधन गर्नुहुदै मन्त्री कार्कीले सो कुरा बताउनुभएको हो ।
उहाँले एमसीसी परियोजनाको बिषयमा छरिएको भ्रममा कुनै किसिमको सत्यता नभएका कारणले त्यसको पछि नलाग्नका लागि सम्पूर्ण नेता तथा कार्यकर्तालाई आग्रह गर्नुभयो ।
यो परियोजना केवल विकास परियोजना भएको र यसमा आउने अनुदान रकमबाट पूर्वाधार विकास, सडक र विद्युतको ट्रान्समिसनलाइन विस्तारमा खर्च हुने भएकाले यो केवल विकास परियोजना मात्र भएको मन्त्री कार्कीले बताउनुभयो ।
एमसीसी परियोजनाबाट ७७ किलो मिटर अन्तराष्ट्रि स्तरको बाटो निर्माण गर्ने यसको लक्ष्य रहेको मन्त्री कार्कीले बताउनुभयो । गरिवि निवारण गरेर देशलाई समृद्धिको दिशा तर्फ अग्रसर गराउनका लागि महत्वपूर्ण भुमिका निर्वाह गर्ने उहाँले उल्लेख गर्नुभयो ।
एमसीसी परियोजनाको बिषयमा छरिएको भ्रममा कुनै किसिमको सत्यता नभएको बताउनुहुदै यो परियोजनाले गरिवि निवारण, वेरोजगारी अन्त गरेर ५ बर्ष भित्रमा देशलाई दिगो आर्थिक विकास तर्फ उन्मुख गराउनका लागि महत्पूर्ण भुमिका निर्वाह गर्ने मन्त्री कार्कीले बताउनुभयो ।
एमसीसीका कारणले अमेरीकन सेना आउन भने भ्रममा कुनै किसिमिको सत्यता नभएको बताउनुहुदै यसले मुलुकको समृद्धिका लागि ढोका खोल्ने कार्य गरेको बताउनुभयो । मन्त्री कार्कीले एमसीसी परियोजना मुलुक, नेपाली जनता र राष्ट्रिको हितमा रहेको दाबी समेत गर्नुभयो ।
कार्यक्रममा संघीय सांसद सिताराम मेहता, नेपाली काङग्रेसका सुनसरी सभापति केदार भण्डारी, इनरुवा नगरपालिकाका प्रमुख राजन मेहता, उपप्रमुख जमुना गौत्तम पोखरेल, कोसी गाउँपाकिलका सभापति ऐयुव अंसारी, उपाध्यक्ष अनितादेवी यादव, हरिनगर गाउँपालिकाका अध्यक्ष गफार अंसारी, देवानगन्ज गाउँपालिकाका अध्यक्ष लालिप्रसाद मेहता लगायतको सहभागीता रहेको छ ।
कार्यक्रममा बिभिन्न पार्टी परित्या गरेर सयौ नेता तथा कार्यकर्ताहरुले नेपाली काङग्रेसमा प्रवेस गरेका थिए ।
