इनरुवा । सुनसरीका १२ वटा स्थानिय तहका पालिकाहरुका उपप्रमुख तथा उपाध्यक्षहरुलाई सम्मान गरिएको छ । सुनसरीको इनरुवामा आयोजित बालविवाह विरुद्ध अन्तरपुस्ता सम्वाद कार्यक्रममा उपप्रमुख र उपाध्यक्षहरुलाई सम्मान गरिएको हो ।
मंगलबार इनरुवा–४ मा रहेको स्टार होटलमा सुनसरी जिल्लाको स्थानिय तहका उप–प्रमुख र उपाध्यक्षहरुलाई सम्मान तथा बाल विवाह विरुद्ध अन्तरपुस्ता सम्वाद कार्यक्रम सम्पन्न भएको हो । प्लान इन्टरनेशनल नेपालको सहयोग र साझा सवालका लागि साझा मञ्च (कोकन) को आयोजनामा उक्त कार्यक्रम सम्पन्न भएको कार्यक्रम अधिकृत दयालाल चौधरीले जानकारी दिएका छन् ।
साझा सवालका लागि साझा मञ्च (कोकन) को १२ औं स्थापना दिवसको अवसरमा सुनसरीका १२ वटै स्थानिय तहका उप–प्रमुख र उपाध्यक्षहरुलाई सम्मान गरिएको र बाल विवाह विरुद्ध अन्तरपुस्ता सम्वाद कार्यक्रम समेत सम्पन्न भएको आयोजना गरेको थियो ।
कार्यक्रममा इटहरी उप–महानगरपामलिका, इनरुवा नगरपालिका,दुहबी नगरपालिका, ,बराहक्षेत्र नगरपालिका, रामधुनी नगरपालिका,कोशी गाउँपालिका,भोक्राहा नरसिंह गाउँपालिका,बर्जु गाउँपालिकाा,गढी गाउँपालिका,हरिनगर गाउँपालिका,देवानगंज गाउपालिकाका उप–प्रमुख तथा उपाध्यक्षहरुलाई कार्यक्रमकी प्रमुख अतिथि प्रदेश नं–१ का उपसभामुख सरस्वती पोखरेलले सम्मान–पत्र प्रदान गरी सम्मान गरेकी थिईन् ।
कार्यक्रममा मानव बेचबिखन,बाल विवाह,लगायतका कुरामा अधिकारकर्मिहरुसंग सम्वाद समेत गरेको थियो । अधिकारकर्मिहरुले काम गर्न जाँदा आएका समस्याहरुलाई कसरी समाधान गर्ने भन्ने बारेमा प्रष्ट पारेका थिए ।
त्यसैगरी कार्यक्रमका प्रमुख अतिथि सरस्वती पोखरेल(शारदा)ले आउँदो स्थानीय तहको निर्वाचनमा महिलाले ३३ प्रतिसत नगर प्रमुख,वडा अध्यक्षको पदमा दावी गरी जित हात पार्नमा जोड दिएकी थिइन् ।
कार्यक्रममा पत्रकार जयकृष्ण यादवले मन्तव्य राख्दै आउँदो स्थानीय तहको निवार्चनमा उप–प्रमुखहरुले नगर प्रमुखको पदमा दावी गर्न जोड दिएका थिए ।
कार्यक्रममा प्रमुख अतिथि प्रदेश नं–१ का उप–सभामुख सरस्वती पोखरेलल,अतिथि कोषराज न्यौपाने,रिमझिम भगत,पुनम मेहता,अनिता देवी यादव,सुनिता दाहाल,लक्ष्मी गौतम लगायतको सहभागिता रहेको थियो ।
साझा सवालका लागि साझा मञ्च (कोकन) की अध्यक्ष मन्जिता उपाध्यायको अध्यक्षतामा सम्पन्न भएको थियो । कार्यक्रम हेमन्तराज पौडेलले संचालन गरेका थिए ।
