विभिन्न पार्टी परित्याग गरी १८ भन्दा बढी राप्रपामा प्रवेश

गनेश कुमार यादव
इनरुवा । सुनसरीको इनरुवामा विभिन्न पार्टी परित्याग गरी १८ भन्दा बढी राष्ट्रिय प्रजातान्त्रिक पार्टी (राप्रपा) म प्रवेश गरेका छन् ।
शुक्रबार इनरुवा–२ मा रहेको राष्ट्रिय प्रजातान्त्र पार्टी (राप्रपा) को पार्टी कार्यालयामा आयोजित कार्यकर्ता भेटघाट तथा पार्टी प्रवेश कार्यक्रममा विभिन्न पार्टी परित्याग गरी १८ भन्दा बढी राष्ट्रिय प्रजातान्त्र पार्टी (राप्रपा) मा प्रवेश गरेका हुन् । राष्ट्रिय प्रजातान्त्र पार्टी (राप्रपा) जिल्ला कार्य समिति सुनसरीले आयोजना गरेको भेटघाट तथा पार्टी प्रवेश कार्यक्रममा राष्ट्रिय प्रजातान्त्र पार्टीका अध्यक्ष राजेन्द्र लिङ्देन र राप्रपाका प्रवक्ता ज्ञानेन्द्र शाहीले अबिर तथा खादा ओढाएर नवप्रवेशीहरुलाई स्वागत गरेका थिए । कार्यक्रममा नेपाल सदभावना पार्टी प्रदेश नं–१ का अध्यक्ष चन्देश्वर चौधरी,सनातन सनातन धर्म संरक्षम मञ्चका कार्यवाहक अध्यक्ष राजेश यादव,सतेन्द्र आर्य,संजय यादव लगायत अन्य पन्ध्र जनाले राष्ट्रिय प्रजातान्त्रिक पार्टी (राप्रपा)मा प्रवेश गरेका हुन् । कार्यक्रममा राष्ट्रिय प्रजातान्त्रिक पार्टीका अध्यक्ष राजेन्द्र लिङ्देन र राप्रपाका प्रवक्ता ज्ञानेन्द्र साही लगायतको उपस्थिति रहेको थियो ।