इनरुवा । नेपाली कांग्रेसका युवा नेता डा अबुल हुसेन अन्सारीले सुनसरी क्षेत्र नम्बर ४ मा गठवन्धन नगर्न पार्टी नेतृत्व पंक्तिहरुलाई आग्रह गरेका छन् । बुधवार संचारकर्मीहरुको कुराकानीमा डा हसेन अन्सारीले गठवन्धन सुनसरी ४ मा गर्नुको औचित्य नभएकाले कांग्रेस एकल चुनावमा जानुपर्ने उनले आग्रह गरेका हुन् ।
नेपाली कांग्रेसका युवा नेता डा हुसेन अन्सारीले सुनसरी ४ मा कांग्रेसको संगठन बलियो भएकाले कांग्रेस एकल चुनावमा होमिने बताउँदै स्थानीय तहको निर्वाचनमा कांग्रेसले गठवन्धन कसैसँग गर्न नहुने उनले बताए ।स्थानीय तहको निर्वाचन बैशाख ३० हुने भएको र मनोनयन दर्ता बैशाख ११ गते हुने भएकाले नेपाली कांग्रेसले सुनसरी ४ मा कांग्रेसका उम्मेदवारहरुको छिनोपानो गर्न समेत उनले आग्रह गरे ।
स्थानीय तहको निर्वाचनको मिति नजिकिँदै जाँदा सुनसरी क्षेत्र नम्बर ४ मा कांग्रेसले एक्कल चुनाव लड्नुपर्ने उनले बताए । सुनसरीको ऐतिहासिक क्षेत्र सुनसरी क्षेत्र नम्बर ४ मा कांग्रेसको जनाधार बलियो भएकाले कुनै पनि दलसँग गठवन्धन गर्नु कांग्रेसको लागि घातक हुने समेत उनले बताए ।
सञ्चार तथा सूचना प्रविधिमन्त्री ज्ञानेन्द्र बहादुर कार्कीको समेत सुनसरी क्षेत्र नम्बर ४ भएकाले सो क्षेत्रमा गठवन्धनले कांग्रेसको हितमा नतिजा राम्रो नआउने भएकाले कांग्रेसले एक्कल चुनावमा होमिनुपर्ने उनको तर्क छ । नेपाली कांग्रेसका युवा नेता डा हुसेन अन्सारी समेत
सुनसरी क्षेत्र नम्बर ४ का युवा नेता भएकाले आफनो क्षेत्रमा गठवन्धनले परिणाममुखी आउने संकेत नदेखेपछि कांग्रेसको हितका लागि कांग्रेसका उम्मेदवारहरुले एक्कल चुनावमा जानुपर्ने उनको कथन छ । सुनसरी क्षेत्र नम्बर ४ मा नेपाली कांग्रेसले लाल किल्ला गाढन सफल भएकाले सो किल्ला बचाउनका लागि गठवन्धन गर्नु औचित्य नभएको डा हुसेन अन्सारीको भनाई छ । कांग्रेसले स्थानीय तहको निर्वाचनमा सुनसरी क्षेत्र नम्बर ४ मा गठवन्धन नगर्न समेत सुझाएका छन् ।
स्थानीय तहको निर्वाचनमा जनताले रुख छाप बाहेका चुनाव चिन्हमा मतदान गर्न असर्मथ रहेकाले जनताको भावना अनुसार कांग्रेस पार्टीले निर्णय लिनुपर्ने उनले बताए ।
