हरिनगर । सुनसरी हरिनगर गाउँपालिका वडा नम्बर–४ का लागि युवा नेता इरफान अन्सारीले नेपाली कांग्रेसले सिफारिस नगरेपछि वडाध्यक्ष पदमा स्वतन्त्र उम्मेदवारी दर्ता गरेका छन् ।
नेपाली कांग्रेस हरिनगरले युवा नेता इरफान अन्सारीलाई सिफारिस नगरेपछि हरिनगर–४ मा वडाध्यक्ष पदमा हिजो पहिलो दिन नै उम्मेदवारी दर्ता गरेका हुन् । गत स्थानीय तहको निर्वाचनमा अन्सारीले नेपाली कांग्रेसको तर्फबाट वडा सदस्यमा टिकट पाएर पराजित भएका युवा नेता अन्सारीले यस पटकको निर्वाचनमा वडाध्यक्ष पदमा स्वतन्त्र उम्मेदवारी दर्ता गरेका छन् ।
नेपाली कांग्रेस हरिनगरका सहसचिव युवा नेता अन्सारीलाई पाखा लगाएकोले उनले हिजो निर्वाचन कार्यालय हरिनगरमा स्वतन्त्र उम्मेदवारी दर्ता गराएका छन् । साविक हरिनगर–१ र हाल हरिनगर–४ घर भएका युवा नेता अन्सारीले मुस्लिम समुदायका युवाहरुलाई उपेक्षा गरेको भन्दै हरिनगर–४ का लागि वडाध्यक्ष पदमा स्वतन्त्र उम्मेदवारी दिएका हुन् । हरिनगर–४ मा उनको नाम चर्चामा रहेपनि कांग्रेसले उनको मुल्यांकन नगरेपछि र पार्टीमा युवाहरुलाई अवसर नदिएकोले उनले उम्मेदवारी दर्ता गराएका हुन् ।
हरिनगर–४ मा बलियो उम्मेदवारका रुपमा रहेपनि पार्टीले कुनै मुल्यांकन नगरेका कारण हिजो मनोनयन दर्ता गरी आफ्नो पक्षमा प्रचार प्रसारलाई तीव्रता दिएका छन् । गत स्थानीय तहको निर्वाचनमा पार्टीका नेता तथा कार्यकर्ताहरुले अन्तरघातका कारण झिनो मतले पराजित भएको र यस पटको निर्वाचनमा पनि पार्टीले महत्वका साथ नहेरिएकोले स्वतन्त्र उम्मेदवारी दिएर बिजयी हुने सुनिश्चित भएको युवा नेता अन्सारीको कथन छ ।
हरिनगर–४ मा वडाध्यक्ष पदमा उम्मेदवारी दिएकोले वडाबासीले मतदान गरी आफुलाई बिजयी गराउन समेत उनले अनुरोध गरेका छन् । हरिनगर–४ को मुहार फेर्न र विकासका लागि युवा नेतृत्व आवश्यक रहेकोले स्वतन्त्र उम्मेदवारलाई मतदान गरी बिजयी गराउन उनले अपिल समेत गरेका छन् ।
त्यसैगरी हरिनगर–४ मा वडाध्यक्षका स्वतन्त्र उम्मेदवार युवा नेता अन्सारीको नेतृत्वको टिममा चार जनाले वडा सदस्यमा स्वतन्त्र उम्मेदवारी समेत दर्ता गरेका छन् । स्वतन्त्र वडा सदस्यहरु सरोज कुमार पंडित(गोपाल), रामचन्द्र ऋषिदेव, इनामुल रहमान र जमाल अन्सारीले समेत हिजो नै स्वतन्त्र उम्मेदवारी दर्ता गरेका हुन् ।
सरोज पंडित उर्फ गोपाल नेपाली कांग्रेस हरिनगर–४ का वडा सचिव हुन् । पार्टीले टिकटका लागि सिफारिस नगरेपछि उनले पनि स्वतन्त्र उम्मेदवारी दर्ता गरेर चुनावी प्रचार प्रसारमा लागि परेका छन् । हरिनगर–४ मा स्वतन्त्र प्यानल बनाएर चुनावी मैदानमा उत्रिएका छन् । यही बैशाख ३० गते हुने स्थानीय तहको निर्वाचनमा स्वतन्त्र प्यानललाई मतदान गरी युवाहरुको टिमलाई बिजयी बनाई काम गर्ने अवसरमा प्रदान गर्नका लागि वडाबासीलाई अनुरोध गरेका हुन् ।
