लौकही,। नेपाली काङ्ग्रेस पार्टीको तर्फबाट कोसी गाउँपालीकाको अध्यक्ष पदको लागि ऐयुब अन्सारीले उम्मेदवारी दर्ता गराएका छन् ।
नेपाली काङ्ग्रेस सुनसरी क्षेत्र नम्बर ४ का क्षेत्रीय सभापति समेत रहेका अन्सारीले शुक्रबार गाउँपालीका अध्यक्ष पदबाट राजीनामा दिदै पुनः टिकट सोही पदमा सोमबार मनोनयन दर्ता गराएका हुन ।
नेपाली काङ्ग्रेस पार्टीमा आबद्ध भएर विद्यार्थी कालदेखि गाउँमै रहेर संगठन बिस्तार र समाजसेवामा उल्लेखनीय काम गरेका सभापति अन्सारी पुनः पालीका अध्यक्ष भएर काम गर्न चाहन्छन् । जनता माझ रहेर लामो समय काम गरेका उनलाई धेरैले रूचाउने गर्छन् । सयौंको संख्यामा रहेको नेताकार्यकर्ता लिएर अन्सारी मनोनयन दर्ता गराउन पुगेका थिए ।
यस्तै कोसी गाउँपालीकाको उपाध्यक्ष पदमा नेपाली काङ्ग्रेसको तर्फबाट पुनः अनिता यादवले उम्मेदवारी दर्ता गराएकी छन् ।
यस्तै नेपाली काङ्ग्रेस कोसी गाउँपालीकाका सचिव समेत रहेका निर्मल मण्डल कोसी गाउँपालीका वडा नम्बर १, वडा नम्बर २ मा ध्यानी उराँव, ३ नम्बर वडामा सुलेमान मन्सुरी, ४ नम्बर वडामा तजमुल हुसेन,५ नम्बर वडामा साह जमाल,६ नम्बर वडामा जयशंकर खड्का,७ नम्बर वडामा रामचन्द्र महतो र ८ नम्बर वडामा अध्यक्ष पदका बलराम क्षेत्रीयले उम्मेदवारी दर्ता गराएका छन् ।
