टोमराज मेहता
इनरुवा । नेपाली कांग्रेस देवानगंज गाउँपालिकाले बृहत मोटरसाइकल र्याली निकालिएको छ । स्थानीय तहको निर्वाचनमा कांग्रेसबाट अध्यक्ष पदका उम्मेदवार श्यामलाल मेहता सहितका उम्मेदवारहरुलाई बिजयी बनाउनका लागि देवानगंज कांग्रेसले मोटरसाइकल र्याली सहित आज शक्ति प्रदर्शन गरिएको छ ।
बैशाख ३० गते हुने स्थानीय तहको निर्वाचनका लागि नेपाली कांग्रेसबाट देवानगंज गाउँपालिकाका अध्यक्ष पदका लागि उम्मेदवारी दर्ता गरेका श्यामलाल मेहता र उपाध्यक्ष पदका लागिा कुमारी विभा यादव सहितका उम्मेदवारहरुको समर्थनमा बृहत मोटरसाइकल र्याली सहित शक्ति प्रदर्शन गरिएको देवानगंज कांग्रेसले जनाएको छ ।
नेपाली कांग्रेसबाट टिकट लिई बैशाख १२ गते मनोनयन दर्ता गरेका देवानगंज गाउँपालिकाका अध्यक्ष पदका उम्मेदवार मेहता, उपाध्यक्ष पदका उम्मेदवार यादव लगायतका वडाध्यक्ष र सदस्यहरुलाई बिजयी बनाउनका लागि देवानगंज कांग्रेसले शक्ति प्रदर्शन गरेको हो ।
नेपाली कांग्रेसका नेता तथा कार्यकर्ताहरुको सहभागितामा निकालिएको बृहत मोटरसाइकल र्यालीमा कांग्रेस जिन्दावाद, अध्यक्ष मेहता सहितका उम्मेदवारलाई बिजयी बनाऔं, कांग्रेसका नाराहरु लगाउँदै देवानगंज गाउँपालिकाभरी बृहत मोटरसाईकल र्याली निकालिएको थियो । कांग्रेसका उम्मेदवारहरुलाई जिताउनका लागि शक्ति प्रदर्शन गर्दै नेपाली कांग्रेसका हजारौं नेता तथा कार्यकर्ताहरुले उत्साहका साथ सो र्यालीमा सहभागी भएका थिए ।
स्थानीय तहको निर्वाचन बैशाख ३० गते हुने भएपछि कांग्रेसका कार्यकर्ताहरुले अध्यक्ष पदका उम्मेदवार मेहतालाई समर्थन गर्दै जित सुनिश्चित भएको दाबी समेत गरेका छन् । मनोनयन दर्ता गरेका अध्यक्ष मेहताले आज पहिलो पटक देवानगंज गाउँपालिकाभरी मोटरसाइकल र्याली सहित शक्ति प्रदर्शन गरिएको हो ।
कांग्रेसको तर्फबाट देवानगंज गाउँपालिकाका अध्यक्षका उम्मेदवार श्यामलाल मेहताले जनताको उत्साह, माग र चाहना अनुसार आफु चुनावमा होमिएकोले बैशाख ३० गते हुने स्थानीय तहको निर्वाचनमा कांग्रेसको चुनाव चिन्ह रुख छापमा मतदान गरी भारी मतले बिजयी बनाउन मतदाताहरुलाई अपिल गरेका छन् ।
सुनसरीको सीमावर्ती क्षेत्रमा रहेको देवानगंज गाउँपालिकामा रहेका बेथिति अन्त्यका लागि र समग्र विकास गर्न, बेरोजगारी समस्या समाधान गर्न, कृषि क्षेत्रमा आधुनिकीकरण गर्न, शिक्षा, स्वास्थ्य क्षेत्रमा आमूल्य परिर्वतन ल्याउनका लागि कांग्रेसबाट पालिकाको अध्यक्ष पदका लागि चुनावी अभियानलाई आजदेखी तीव्रता दिइएको अध्यक्षका उम्मेदवार मेहताले बताएका छन् ।
देवानगंज गाउँपालिकामा अन्य दलका उम्मेदवारहरुसँग कुनै प्रतिस्पर्धा नरहेको उनले बताउँदै जनताको चाहनालाई पूरा गर्ने जिम्मेवारी आएकोले जनताले मतदान गरी बिजयी बनाउनेमा आफु विश्वस्त रहेको उनले बताए ।
