टोमराज मेहता
इनरुवा । आसन्न स्थानीय तहको निर्वाचनको मिति नजिकिदैँ जाँदा इनरुवा नगरपालिका–८ मा पुनः वडाध्यक्ष पदमा उम्मेदवार बनेका रविन्द्र कुमार मण्डल बिलयो उम्मेदवारको रुपमा प्रस्तुत भएका छन् ।
गत स्थानीय तहको निर्वाचनमा इनरुवा–८ मा भारी मतका साथ बिजयी भएका मण्डल बैशाख ३० गते हुन गइहरेको निर्वाचनमा जनताको माग अनुसार पुनः वडाध्यक्ष पदको उम्मेदवारका रुपमा प्रस्तुत भएका हुन् ।
इनरुवा–८ मा पुनः वडाध्यक्ष पदमा नेपाली कांग्रेसबाट टिकट लिएर अहिले चुनावी मैदानमा उत्रिएका छन् । जनताको चाहना र माग अनुसार नेपाली कांग्रेसले मण्डललाई टिकट उपलब्ध गराएपछि वडाबासीमा उत्साह थपिएको छ ।
इनरुवा–८ मा गत स्थानीय तहको निर्वाचनमा निर्वाचित भएका मण्डलले वडाको मुहार फेर्न सफल भएका युवा नेताले अधुरा कामलाई निरन्तरता दिनका लागि पुनः जनतामाझ ओर्लिएका छन् । वडाबासीसँग गरेका वाचाहरुलाई पूरा गर्नका लागि पाँच वर्षे कार्यकाल सफलसँग बितेपनि केही अधुरा कामलाई पुरा गर्ने उद्देश्यका साथ अहिले जनताको घरदैलो कार्यक्रममा आप्mनो पक्षमा मतदान गर्न आग्रह गर्दै हिडिरहेका छन् ।
चुनावी अभियानलाई तीव्रता दिदैँ आएका वडाध्यक्ष पदमा उम्मेदवार मण्डल जनतामा लोकप्रिय भएका युवा नेताका रुपमा चर्चा पाएपछि नेपाली कांग्रेसले सो वडामा विकास गर्नका निमित र जनताको भावना अनुसार काम गर्नका लागि जिम्मेवारी दिएपछि अहिले उनी चुनावी प्रचार प्रसारमा व्यस्त भएका छन् ।
इनरुवा नगरपालिकामा गत स्थानीय तहको निर्वाचनमा निर्वाचित भएका मण्डल सबैभन्दा कान्छो जनप्रतिनिधिको रुपमा चिनिएका थिए । तथापी उनले आप्mनो वडालाई नगरपाकिलाभित्र नमूना वडाका रुपमा चिनाउन कसरत गरिरहेका छन् । इनरुवा नगरपालिका वडा नम्बर–८ मा पुनः वडाध्यक्ष पदमा टिकट पाएकाले मतदाताहरुको रोजाईमा परेका छन् । मतदाताहरुले नेपाली कांग्रेसबाट वडाध्यक्ष पदका उम्मेदवार बनेका मण्डललाई अत्यधिक मत दिई बिजयी बनाउने वडाबासीको भनाई छ ।
इनरुवा नगरपालिकाभित्र १० वटा वडामध्ये सबैभन्दा बढी विकास इनरुवा–८ मा भएकाले वडाबासीको चाहना र रोजाईमा परेका मण्डलको जित सुनिश्चित भएको मतदाताहरुको भनाई छ । सो वडामा भौतिक पूर्वाधार, शिक्षा, स्वास्थ्य, कृषि लगायतको क्षेत्रमा अहम भूमिका निर्वाह गरेका मण्डल सफल जनप्रतिनिधिको रुपमा परिचित भएका हुन् ।
इनरुवा–८ का वडाध्यक्ष पदका उम्मेदवार मण्डल वडाबासीको घरदैलोमा पुगी आर्शिवाद लिईरहेका छन् । मतदाताहरुले आर्शिवाद दिदैं जितको आग्रिम बधाई तथा शुभकामना दिइरहेका छन् । मण्डलले वडामा राम्रो काम गरेकाले बैशाख ३० गते हुने स्थानीय तहको निर्वाचनमा बिजयी गराउनका लागि वडाबासीले नै उनको पक्षमा मतदान गरिदिनका लागि प्रचार प्रसार गरिरहेका छन् ।
नेपाली कांग्रेसबाट इनरुवा–१ मा रामचन्द्र पौदार, इनरुवा–२ मा सुरेन्द्र प्रसाद यादव, इनरुवा–७ मा किशोर कुमार सिंहले टिकट पाएर वडाध्यक्ष पदमा निर्वाचित भएपनि जनताले चाहेको विकास गर्न नसकेको र व्यापक गुनासो आएपछि कांग्रेसले यस पटको निर्वाचनमा उनीहरुलाई वाइवास गरेर सो वडारुमा नयाँ अनुहारलाई अवसर दिएको छ । तर इनरुवा नगरपालिका वडा नम्बर–८ मा मात्रै पुनः वडाध्यक्ष पदमा रविन्द्र कुमार मण्डललाई नेपाली कांग्रेसले टिकट उपलब्ध गराएको छ । यसले पनि प्रमाणित गरेको छ कि जनतामामm लोकप्रिय भएकै कारण उनलाई पुनः वडाध्यक्षमा टिकट उपलब्ध गराएको बुझिएको छ ।
