टोमराज मेहता
इनरुवा । नेपाली कांग्रेसले टिकट नदिएको भन्दै स्वतन्त्र उम्मेदवारी दिएका इनरुवा–५ का कलाधर पोखरेलले आज उम्मेदवारी फिर्ता लिएका छन् । नेपाली कांग्रेसको तर्फबाट इनरुवा–५ मा वडाध्यक्ष पदका उम्मेदवार अनिल पोखरेललाई उनले समर्थन गर्दै आफ्नो उम्मेदवारी फिर्ता लिएका हुन् ।
आज उम्मेदवारी फिर्ता दिने मुख्य निर्वाचन अधिकृतको कार्यालयले तालिका प्रकाशन गरे अनुसार इनरुवा–५ का कलाधर पोखरेलले आप्mनो उम्मेदवारी फिर्ता लिएको नेपाली कांग्रेस सुनसरीले जनाएको छ ।
नेपाली कांग्रेस इनरुवा–५ का पुर्व वडा सभापति समेत रहेका कलाधर पोखरेलले कांग्रेसबाट टिकट पाएका अनिल पोखरेललाई आर्शिवाद दिदैँ नेकपा एमालेको लाल किल्ला भत्काउने र नेपाली कांग्रेसको लाल किल्ला गाड्नका लागि कांग्रेसका उम्मेदवारलाई समर्थन गरेको बताएका छन् ।
नेपाली कांग्रेसका नेताहरुको अथक प्रयासपछि इनरुवा–५ का लागि वडाध्यक्ष पदका लागि स्वतन्त्र उम्मेदवारी दिएका पोखरेलले कांग्रेसलाई जिताउने अभियनमा आजदेखी सरिक भएको छ । गत स्थानीय तहको निर्वाचनमा इनरुवा–५ मा नेकपा एमालेबाट वडाध्यक्ष पदमा अञ्जनी कुमार पोखरेल निर्वाचित भएका थिए । आगामी बैशाख ३० गते हुन गइरहेको आसन्न स्थानीय तहको निर्वाचनमा नेपाली कांग्रेसले नेकपा एमालेको लाल किल्ला भत्काउने तयारीका साथ चुनावी मैदानमा होमिएका छन् ।
नेपाली कांग्रेस सुनसरीका सभापति तथा इनरुवा नगरपालिकाका मेयर पदका उम्मेदवार केदार भण्डारी समेतको गृहवडा रहेको इनरुवा–५ मा यसपटक कांग्रेसले जिम्मेवारी दिएकोलाई जोडतोडका साथ बिजयी गराउने गरी कांग्रेस जिताउँ अभियान सुरु गरेका छन् । नेपाली कांग्रेस सुनसरीका सभापति भण्डारीलाई आप्mनो वडामा वडाध्यक्षका टिकट पाएका अनिल पोखरेललाई जिताउन कति सम्भव छ ? भन्ने कुरा अहिले चर्चा सुरु भएको छ ।
इनरुवा–५ नेकपा एमालेको गढ मानिएको वडा हो । नेकपा एमालेका नेता खेमराज पोखरेलको पनि सोही वडा हो । तर नेकपा एमालेबाट इनरुवा नगरपालिकाको मेयर पदका आकांक्षी रहेका खेमराज पोखरेललाई टिकट उपलब्ध नगराएको र सोही वडामा अञ्जनी पोखरेल लाई समेत पार्टीले पुनः वडाध्यक्षको टिकट उपलब्ध नगराउँदा उनले स्वतन्त्र उम्मेदवारका रुपमा प्रस्तुत भएका छन् ।
यस पटकको निर्वाचनमा नेकपाभित्रको खिचिलो र असन्तुष्टका कारण नेपाली कांग्रेसलाई ठुलो अवसर भएकाले यस निर्वाचनमा नेकपा एमालेको लाल किल्ला भत्काउन सहज हुने राजनीतिक विशलेषकहरुको भनाई छ ।
