टोमराज मेहता
इनरुवा । नेपाली कांग्रेस इनरुवा नगर उपसभापति बिनिता दाहालले बैशाख १२ गते इनरुवा नगर उपप्रमुखका लागि दिएको स्वतन्त्र उम्मेदवारी फिर्ता लिएकी छिन् । नेपाली कांग्रेसबाट इनरुवा नगर उपप्रमुखमा टिकट पाउने चर्चा रहेको बेला इनरुवा–२ की बिनिता मेहताले कांग्रेसबाट उपप्रमुखमा टिकट पाएपछि दाहालले सो पदमा स्वतन्त्र उम्मेदवारी दर्ता गरेपछि आज उनले उम्मेदवारी फिर्ता लिएकी हुन् ।
नेपाली कांग्रेसका अग्रज नेताहरुको सल्लाह र सुझाव अनुसार नेपाली कांग्रेस इनरुवा नगर उपसभापति दाहालले निर्वाचन अधिकृतको कार्यालयमा पुगेर स्वतन्त्र उम्मेदवारी फिर्ता लिएको कांग्रेस श्रोतले जनाएको छ ।
स्वतन्त्र उम्मेदवारी फिर्ता लिएकी दाहालले सुनसरी अनलाइनसँगको कुराकानीमा पार्टीको बिधि र विद्यान अनुसार बैशाख ३० गते हुने गइरहेको स्थानीय तहको निर्वाचनमा कांग्रेसका उम्मेदवारहरुलाई बिजयी गराउने गरी आजदेखी चुनावी अभियानमा सक्रिय भएर लागेको बताईन् ।
पार्टीले मुल्यांकन नगरेकोले आवेगमा आफुले नगर उपप्रमुखमा स्वतन्त्र उम्मेदवारी दिएको र पार्टीलाई जिताउन कठिनाई भएको अवस्थालाई मध्यनजर गर्दै आफुले साथ सहयोग गर्ने गरी उम्मेदवारी फिर्ता लिएको बताईन् । पार्टीका उम्मेदवारहरुलाई जिताउने प्रतिवद्धता सहित समेत व्यक्त गरेकी छिन्
नेपाली कांग्रेस सुनसरीकी सदस्य सहजादी प्रविण नेकपा एमालेबाट इनरुवा नगर उपप्रमुखमा उम्मेदवारी दिएपछि कांग्रेसले जित हासिल नगर्ने परिस्थिती आएको हुदाँ कांग्रेसबाट नगर उपप्रमुखमा बिनिता मेहतालाई समर्थन गर्दै जिताउने अभियानमा लागेको समेत बताएकी छिन् ।
कांग्रेसको १४ औं महाधिवेशनमा नेपाली कांग्रेस इनरुवा नगर उपसभापति पदमा नगरबासीले दिएको मतबाट आपूm नगर उपसभापतिमा बिजयी भएकाले मतको कदर गर्दै कांग्रेसको चुनावी अभियानमा लागेको बताईन् ।
आगामी बैशाख ३० गते हुने निर्वाचनमा कांग्रेसबाट इनरुवा नगरपालिकाको नगर प्रमुख केदार भण्डारी, उपप्रमुख बिनिता मेहता, इनरुवा–१ मा प्रमोद पोखरेल, इनरुवा–२ मा रञ्जेश भट्टराई, इनरुवा–३ मा रोशन कुमार खड्का, इनरुवा–४ मा जितेन्द्र यादव, इनरुवा–५ मा अनिल पोखरेल, इनरुवा–६ सुमन थापा, इनरुवा–७ मा हिक्मत सिंह, इनरुवा–८ मा रविन्द्र कुमार मण्डल, इनरुवा–९ मा कृष्णदेव मेहता र इनरुवा–१० मा डा. खलिल अख्तर मियाँलाई जिताउने अभियानमा लागि परेको समेत उनले जानकारी दिईन् ।
